Guilhem d'Autpol - (Camerata Mediterranea/Joel Cohen) - Esperanza De Totz Ferms Esperans (O надежды тех, чьи надежды прочны в тебе, XIII в.) | Текст песни

• Тексты песен
• Guilhem d'Autpol - (Camerata Mediterranea/Joel Cohen)
• Esperanza De Totz Ferms Esperans (O надежды тех, чьи надежды прочны в тебе, XIII в.)

1
Esperanza de totz ferms esperans,
flums de plazers, fons de vera merce,
cambra de Dieu, ortz don naysso tug be,
repaus ses fi, capdels d'orfes enfans,
conssolansa dels fis descossolatz,
frugz d'entier joy, seguransa de patz,
portz ses peril, porta de salvan port,
gaugz ses tristor, flors de vida ses mort,
maire de Dieu, dona del fermamen,
sojorns d'amicx, fis delietz ses turmen,
de paradis lums e clardatz et alba.

2
Glorioza, tant es la joya grans
que·us venc de selh que·l mon capdelha e te,
que vos lauzan no pot hom dir mas be,
si totz lo mons n'era tostemps lauzans,
quar en vos son totas plazens bontatz,
gaugz et honors, salutz e caritatz;
verdiers d'amor, qu'el tieu pressios ort
dissendet frugz que destruys nostra mort;
verga seca, fazen frug ses semen,
porta del cel, via de salvamen,
de totz fizels lums e clardatz et alba.

3
Plazens dompna, qu'en vos a plazers tans
que totz lo mons no·n diria·l mile;
glorioza, pus que tant as de be,
membre·t de me e de totz tos clamans,
que·l tieus gens cors fon per nostr'ops creatz,
cors gracios, ples de totas beutatz,
pus que ses te non puesc trobar cofort,
perduy me lay on es vida ses mort,
pres del tieu filh, que m'a fach de nien,
si qu'ieu veya·l sieu gay captenemen,
lay on no falh lums ni clardatz ni alba.

4
A, quon seran jauzens e benanans
tug vostr'amic d'entier joy per jasse!
e pus Dieus vol qu'en vos sion tug be,
gloriosa, siatz de mi membrans;
e si tot s'es grans vostra sanctitatz,
no m'oblidetz, dompna, per mos peccatz,
qu'ayssi quon son mey falhimen pus fort,
m'es maiers ops que·m desliuretz de mort;
e quar de vos auta merce n'aten,
merce m'aiatz per vostre chauzimen,
que mi siatz lums e clardatz et alba.

5
Qu'ieu falhitz fals mi sent greus e pezans
per mos fols faitz, et ai razon de que,
quar gran so·l mal qu'ay faitz, e pauc li be,
e·lh dich tafur, per qu'ieu suy merceyans
que·m razonetz, plazens dompna, si·us platz,
lay on sera·n dregz jutiamens donatz,
que no y valran plag ni agur ni sort,
ans aura quecx per se paor de mort;
vos me mostratz al jorn del jutiamen
vostre car filh ab cara resplanden,
que·m don ab joy lum e clardat et alba.

6
Poderos Dieus, verays e merceyans,
merce m'aiatz, qu'ieu vos azor e·us cre
e·us ren lauzor de l'honor e del be
que m'avetz fag temps, jorns e mes et ans;
Dieus, paire, filhs, salvaire, Crist nomnatz,
sayns esperitz e vera trinitatz,
als peccadors donatz via e conort
co·s desliuron dels liams de la mort,
e·ls faitz venir al veray jauzimen,
on seran fait maynt glorios prezen,
lay on estan jorns e clardatz et alba.

A*
Lo sons mortals estenh la folla gen.
leu si qui dorm! mentre qu'a merce pren
Dieus peccadors, que·l jorns ven apres l'alba.

B*
Vida don Dieus ab joy ses marrimen
en paradis ab tot lo sieu coven
a totz ayssels que diran aquest'alba.

trans. James H. Donalson (from Provençal)
1
O hope of all whose hope is firm in thee,
river of pleasures, mercy's streaming fount,
mirror of God, garden of good account,
endless repose, reader that orphans seek,
consoler of the disconsolate son,
fruit of total joy, peace under the sun,
port without danger, and salvation's port,
joy without sadness, deathless flower-sort,
mother of God, lady of firmament,
sojourn of friends, delight without torment,
light of paradise and brightness and dawning.

2
O glorious one, great joy comes down to me,
because thou only leadest me around:
nor could thy praises better now resound
if all the world were always praising thee,
for every pleasing goodness is in thee,
for joy and honor, health and charity;
love's garden where there grows the precious f

Guilhem d'Autpol - (Camerata Mediterranea/Joel Cohen) еще тексты