Guillaume de Machaut - Bone pastor Guillerme / Bone pastor (M18) | Текст песни

• Тексты песен
• Guillaume de Machaut
• Bone pastor Guillerme / Bone pastor (M18)

Bone pastor Guillerme,
Pectus quidem inerme
Non est tibi datum;
Fauste sed muneva
Virtutum est caterva
Fortiter armatum.
Portas urbis et postes
Tue munis, ne hostes
Urbem populentur
Mundus, demon et caro,
Morsu quorum amaro
Plurimi mordentur.
Mitra que caput cingit
Bino cornu depingit
Duo testamenta,
Que mitrifer habere
Debet tanquam cincere
Mentis ornamenta.
Et quoniam imbutus
Et totus involutus
Es imprelibatis,
Ferre mitram est digna
Tua cervix, ut signa
Sint equa signatis.
Curam gerens populi,
Vis ut queant singuli
Vagos proficere
Prima parte baculi
Attrahere;
Per te quidem alia,
Que est intermedia,
Morbidos regere;
Lentos parte tercia
Sis pungere.
Oves predicamine
Et cum conversamine
Pacis laudabili,
Demum erogamine
Sensibili.
Det post hec exilium
Huic rex actor omnium,
Qui parcit humili,
Stabile dominium
Pro labili.

Bone pastor, qui pastores
Ceteros vincis per mores
Et per genus
Et per fructum studiorum
Tollentem mentes ymorum
Celo tenus,
O, Guillerme, te decenter
Ornatum rex, qui potenter
Cuncta regit,
Sue domus ad decorem
Remensium in pastorem
Preelegit.
Elegit te, vas honestum,
Vas insigne,
De quo nichil sit egestum
Nisi digne.
Dedit te, vas speciale
Sibi regi;
Dedit te, vas generale
Suo gregi.

Bone pastor.