Guillaume de Machaut - De desconfort, de martyre amoureus (B8) | Текст песни

• Тексты песен
• Guillaume de Machaut
• De desconfort, de martyre amoureus (B8)

De desconfort, de martyre amoureus,
De griés soupirs, d'une crueuse ardure,
De pleins, de plours, d'un mal tres dolereus
Pleins et peüs de triste nourriture,
Vuis et geüns d'amoureuse pasture,
Vit en morant, dame, li cuers de mi
En desirant vostre douce merci.

Mais ce qui plus le fait estre angoisseus
Et qui plus croist la dolour qui me dure,
C'est qu'à chascuns est humbles et piteus
Vos gentis cuers, helas! et il ne cure
Ne pité n'a de ma dolour obscure,
Et si scet bien que j'ay lonc temps langui
En desirant vostre douce merci.

Et puis qu'il est de mon mal si joieus
Qu'il prent deduit en ma desconfiture,
Onques amans ne fu si eüreus
Com je seray, se cilz maus que j'endure
M'ocist pour vous, ne ja mort ne m'iert dure,
Se par vo gré puis definer einsi
En desirant vostre douce merci.