Guillaume de Machaut - De tout sui si confortee | Текст песни

• Тексты песен
• Guillaume de Machaut
• De tout sui si confortee

De tout sui si confortee
Que ja mais n'iert hostelee
Tristesse n'esmay
En mon cuer, aincois aray
Lie et jolie pensee.
Tant com je vivray.

Bien faire et avoir cuer gay.
C'est tout; plus n'emporteray.
Quant seray finee;
Dont lie et loyaulz seray
Et le contraire feray
De ma destinee.
Car lasse, desconfortee.
Triste, dolente, esplouree
Este lonc temps ay.
Mais je me conforteray
Et celui qui tant m'agree
Sur tous ameray.

De tout sui si confortee...

De tout sui si confortee...

Si que gaye me tenray
Ne ja ne le guerpiray
Heure ne journee.
Car en ceste pel morray.
Fors tant que je maudiray
Longue demouree;
S'onneur et sa renommee.
Qui "tout passe" est appellee.
Toudis garderay.
Et tant com durer porray
Plus que creature nee
Li obeyray.

De tout sui si confortee...

De tout sui si confortee...

Ainsi riens ne soufferay
N'a chose ne penseray
Qui me desagree
Et le temps oublieray.
Tant que revenir verray
D'estrange contree
Li qui trop plus m'a amee.
Servi, gardee, honnouree
Que nulz; bien le scay.
Pays et foy li porteray.
Pour ce qu'a li sui donnee
De fine cuer et vray.

De tout sui si confortee...

Guillaume de Machaut еще тексты