Guillaume de Machaut - Esperance qui m'asseüre (B13) | Текст песни

• Тексты песен
• Guillaume de Machaut
• Esperance qui m'asseüre (B13)

Esperance qui m'asseüre,
Joie sans per, vie à mon vueil,
Dous penser, sade nourriture,
Tres bon eür, plaisant accueil
Et maint autre grant bien recuiel,
Quant Amours m'a tant enrichi
Que j'aim dame, s'aten merci.

Et se ceste attente m'est dure
En desirant, pas ne m'en dueil,
Car le gré de ma dame pure
Et d'Amours tous jours faire vueil.
Et s'a guerredon sans pareil,
Ce m'est vis, puis, qu'il est einsi
Que j'aim dame, s'aten merci.

Car souvenirs en moy figure
Sa fine biauté sans orgueil,
Sa bonté, sa noble figure,
Son gent maintieng, son bel accueil,
Et comment si dous riant oueil
Par leur attrait m'ont mené, si
Que j'aim dame, s'aten mercy.

Guillaume de Machaut еще тексты