Guillaume de Machaut - Je puis trop bien ma dame comparer (B28) | Текст песни

• Тексты песен
• Guillaume de Machaut
• Je puis trop bien ma dame comparer (B28)

Je puis trop bien ma dame comparer
A l'image que fist Pymalion.
D'ivoire fu estoit, tant belle et si sans per
Que plus l'ama que Medée Jason.
Li fols toudis la prioit,
Mais l'image riens ne li respondoit.
Einsi me fait celle qui mon cuer font,
Qu'adès la pri et riens ne me respont.

Pimalions qui moroit pour amer
Pria ses dieus par tele affection
Que la froideur de l'image tourner
Vit en chalour et sa dure fasson
Amolir, car vie avoit
Et char humeinne et doucement parloit.
Mais ma dame de ce trop m'i confont
Qu'adès la pri et riens ne me respont.

Or vueille Amours le dur en dous muer
De celle a qui j'ay fait de mong cuer don,
Et son franc cuer de m'amour aviver,
Si que de li puisse avoir guerredon.
Mais Amours en li conjoit
En fier desdaing, et le grand desir voit
Qui m'ocira; si croy que cil troiz font
Qu'adès la pri et riens ne me respont.