Guillaume de Machaut - Maugré mon cuer / De ma dolour / Quia (M14) | Текст песни

• Тексты песен
• Guillaume de Machaut
• Maugré mon cuer / De ma dolour / Quia (M14)

Maugré mon cuer, contre mon sentement,
Dire me font que j'ay aligement
De bonne Amour
Ceaus qui dient que j'ay fait faintement
Mes chans qui sont fait dolereusement
Et que des biens amoureus ay souvent
Le grant douçour.
Helas! dolens, et je n'os onques jour,
Puis que premiers vi ma dame d'onnour
Que j'aim en foy,
Qui ne fu nez et fenis en dolour,
Continuez en tristesse et en plour,
Pleins de refus pour croistre mon labour,
Et contre moy.
N'onques ma dame au riche meinteing coy
Mon dolent cuer, qui ne se part de soy,
Ne resjoï,
Ne n'ot pitié dou mal que je reçoy.
Et si scet bien qu'en li mon temps employ
Et que je l'aim, criem, serf et desir et croy
De cuer d'ami;
Et quant il n'est garison ne merci
Qui me vausist, se ne venoit de li
A qui m'ottry,
Et son franc cuer truis si dur anemi
Qu'il se delite es maus dont je langui,
Chascuns puet bien savoir que j'ay menti.

De ma dolour confortés doucement,
De mon labour meris tres hautement,
De grant tristour en toute joie mis,
De grief langour eschapés et garis,
De bon eür, de grace, de pitié.
Et de Fortune amis et à mon gré,
Com diseteus richement secourus
Et familleus largement repeüs
De tous les biens que dame et bonne Amours
Pueent donner à amant par honnour
Suis, et Amours m'est en tous cas aidans;
Mais, par m'ame, je mens parmi mes dens.

Quia amore langueo.

Guillaume de Machaut еще тексты