Guillaume de Machaut - Pas de tor en thiès païs (B30) | Текст песни

• Тексты песен
• Guillaume de Machaut
• Pas de tor en thiès païs (B30)

Pas de tor en thiès païs,
Qui portez douceur et biauté,
Blanc et vermeil, com rose ou lis,
En un escu de loyauté,
La clarté de vostre bonté
Resplent plus que la tresmonteinne
Seur toute creature humeinne.

Gens corps, cointe, apert et faitis,
Maintieng plein de toute honnesté,
Se je vous aim, serf, loe et pris,
N'est merveilles, qu'en verité
Vous avez si tout seurmonté
Que vous estes fleur souvereinne
Seur toute creature humeinne.

Si seroie à tous jours garis
Ne ja mais n'aroie grieté,
Se vos nobles cuers et gentis,
Courtois, frans et pleins de pité
Savoit que d'umble volenté
Li miens de vous server se peinne

Guillaume de Machaut еще тексты