Guillaume Dufay - Ma belle dame, je vous pri | Текст песни

• Тексты песен
• Guillaume Dufay
• Ma belle dame, je vous pri

Ma belle dame, je vous pri
Que vous vueilliés le vostre amy
Reconforter par vo doulchour,
Qui endure tres grief doulour
En esperant vostre mercy.

Car il est en si dur party
Qu'avoir ne puet fors que soussy,
Et si est tout pour vostre amour
Ma belle dame, je vous pri
Que vous vueilliés le vostre amy
Reconforter par vo doulchour.

Or ne veuilliés metre en oubli,
Ne point faire morir aynssi
Vostre servant en tel langour;
Ce vous seroit grant deshonnour
Quant par vous peut estre guery.

Ma belle dame, je vous pri
Que vous vueilliés le vostre amy
Reconforter par vo doulchour,
Qui endure tres grief doulour
En esperant vostre mercy.