Guillaume Dufay - Navré je sui d’un dart penetratif | Текст песни

• Тексты песен
• Guillaume Dufay
• Navré je sui d’un dart penetratif

Navré je sui d'un dart penetratif
Qui m'a percié le cuer de part en part;
C'est ma dame qui par son doulx regart
Aimable me l'a point jusques au vif.

Tout souellement, se confort n'est hastif,
En verité joye de moy depart.
Navré je sui d'un dart penetratif
Qui m'a percié le cuer de part en part.

Las, que feray? Se Dangier m'est actif,
J'auray Refus contre moy, main et tart.
Ne scay qui puist la pointure du dart
En moy garir senon le vray motif.

Navré je sui d'un dart penetratif
Qui m'a percié le cuer de part en part;
C'est ma dame qui par son doulx regart
Aimable me l'a point jusques au vif.