Hanns In der Gand (Schweizer Soldatenlied) - Gilberte de Courgenay | Текст песни

• Тексты песен
• Hanns In der Gand (Schweizer Soldatenlied)
• Gilberte de Courgenay

By Pruntrut im Jura, da het en Wirt es Huus,
da luegt es Meitschi alli Stund, drymal zum Pfeischter uus;
und fragscht du denn d'Soldate, wer echt das Meitschi sei,
da lüpft es jedem Schwyzerbueb sis Herz und au sys Bei:
C'est la petite Gilberte, Gilbert' de Courgenay,
elle connaît trois cent mille soldats et tous les officiers.

C'est la petite Gilberte, Gilbert' de Courgenay,
on la connaît dans toute la Suisse et toute l'armée.

Syg eine en Trumpeter, syg eine en Tambour,
syg eine simple Solidat, sie het ne a der Schnur;
vom Korporal zum Lütenant bis ufe-n-a Major,
wer het die alli mitenand bim Zipfel und bim Ohr?

C'est la petite Gilberte …

Und fragsch: was Tüüfels het sie denn, isch die denn gar so schön?
Ae Bah, i ha schon in der Schwyz mängs tuusig Schönri gseh.
's weiss keine recht, wora-n-es lyt, am Aug oder am Schueh,
doch das isch wurscht, me werd verruckt und singt an einem zue:

C'est la petite Gilberte …

Und gäb me mir es Regimänt, ich seiti: O herrjeh!
O wär ich doch nur Lütnant und nur in Courgenay,
was nützet mier all Offizier und über tuusig Ma,
ich muess bim Herrgottsaprament ganz öppis anders ha:

C'est la petite Gilberte ...

Und wenn der Krieg denn dure-n-isch, und alles heizue gaht,
und wenn der Wirtin ihres Huus leer a de Strasse staht,
wer wüscht am Pfeister d'Aeugli us und lueget i d'Ajoie,
und truuret um die drymal hunderttuusig Maa?

C'est la petite Gilberte, Gilbert' de Courgenay,
elle cherche ses trois cent mille soldats et tous les officiers.
C'est la petite Gilberte, Gilbert' de Courgenay,
elle pleure maintenant pour toute la Suisse et toute l'armée.

Hanns In der Gand (Schweizer Soldatenlied) еще тексты