Hespèrion XXI & Jordi Savall - D’un sirventes far – Guilhem Figueira | Текст песни

• Тексты песен
• Hespèrion XXI & Jordi Savall
• D’un sirventes far – Guilhem Figueira

D'un sirventes far - en est son que m'agenssa
no m vuolh plus tarzar - ni far longa bistenssa,
e sai ses doptar - q'ieu n'aurai malvolenssa,
car fauc sirventes dels fals, mal apres,
de Roma, que es - caps de la dechasenssa,
on decha i totz bes.

No m meravilh ges, - Roma, si la gers erra,
que' l segle avetz mes - en trebalh et en gerra,
e pretz e merces - mor per vos e sosterra,
Roma enganairitz,
qu'etz de totz mals guitz e cima e razitz, - que l bons reis d'Englaterra
fon per vos trahitz.

Roma, ses razon - avetz mainta gen morta,
e ges no m sap bon, - car tenetz via torta,
qu'a salvacion, - Roma, serratz la paria.
Per qu'a mal govern d'estiu e d'invern
qui sec vostr'estern, - car diables l'en porta
inz el fuoc d'enfern.

Roma, be is decern - lo mals c'om vos deu dire,
car faitz per esquern - dels crestians martire,
mas en cal quadern - trobatz c'om deja aucire
Roma Is crestians ?
Dieus, qu'es verais pans
e cotidians, - me don so qu'eu desire
vezer dels Romans.

Roma, ben ancse a hom auzit retraire
que I cap sem vos te, - per que' I faitz soven raire;
per que cug e cre - qu'ops vos auria traire,
Roma, del cervel,
car de mal capel
etz vos e Cistel, - qu'a Bezers fezetz faire
mout estranh mazel.

Rom', ab fals sembel- tendetz vostra tezura,
e man mal morsel - manjatz, qui que l'endura,
car'avetz d'anhel- ab simpla cardadura,
dedins lops rabatz,
serpens coronatz
de vibr'engenratz, - per que I diable us cura
coma ls sieus privatz.