I Chjami Aghjalesi - L'Alma Viva | Текст песни

• Тексты песен
• I Chjami Aghjalesi
• L'Alma Viva

Eranu quaranta mila
Trecent'anni nanz'à Cristu
Pastore è donna chì fila
Campagnolu mai tristu
Un populucciu Cirnese
Ch'hà francatu tant'offese
Un populucciu Cirnese
Ch'hà francatu tant'offese

Cridianu à l'altru mondu
A quelle stantare alzate
A rispettu puù prufondu
Ch'ùn c'era in l'altre cuntrate
La ghjusizia era santa
Cume pane chi si stanta
La ghjusizia era santa
Cume pane chi si stanta

Ma li populi strangeri
Ghjunti cù putente armate
Cù li cavalli è l'alfieri
Purtendu focu è fraiate
Per difende l'isulottu
Nacquisti o patriottu
Per difende l'isulottu
Nacquisti o patriottu

Da Niolu à Ponte Novu
Cunnobbi a francisata
Per stagnà u sangue novu
Patesti la staffilata
Quella lagge culuniale
Fece quì tamantu male
Quella lagge culuniale
Fece quì tamantu male

In prima ligna i Corsi
O strangeri amuriti
Strascinendu i so rimorsi
I sò morti i so feriti
Artisgianu di la storia
Fù sguassata a to memoria
Artisgianu di la storia
Fù sguassata a to memoria

A punlenta in la musetta
Machjaghjolu per l'onore
A tracollu a mitraglietta
Per inchjustrà l'oppressore
Ma lu focu universale
Ti tolse bell'ideale
Ma lu focu universale
Ti tolse bell'ideale

U to nome ind'una lista
L'amarezza in la to terra
Ti chjamonu terrurista
Purtendu torna la guerra
Più lu statu fù gattivu
Più fort'u populu vivu
Più lu statu fù gattivu
Più fort'u populu vivu

I marmari di u passatu
Tenenu ricordi scritti
Di qualch'omu aggalapatu
Vucalendu " corsi arriti "
Pezzu di storia zuccatu
Chì mai serà zifratu
Pezzu di storia zuccatu
Chì mai serà zifratu


I Chjami Aghjalesi еще тексты