Isabel Tello Mexia - Unga casa macaísta | Текст песни

• Тексты песен
• Isabel Tello Mexia
• Unga casa macaísta

Unga casa macaísta vôs olá
Têm carinho na pobréza
Si têm gente batê pórta pôde entrá
Vêm comê cô nos na mêsa
Genti pobre, genti rico sâ gostá
Cativá tudo visita
Ma qui seza unga casita
têm su chiste cô alegria
tudo óra, tudo dia.

Mêsa cô toália bordado
Vaso di fûla na châm
Pisunto china bafado
Têm galinha, têm capám.
Porco balchám tamarinho
Vaca chaucháu maragoso:
Unga caneca cô vinho
Quanto bebinga sábrôso
Unga casa macaísta fazê vista
Sâ fazê vista unga casa macaísta

Siara-siara sabe abrí su coraçám
Lôgo ri pa tudo genti
Na janela sã cherá mangericám
fazê vôs ficá contente.
Tem biscoito cô ôbrêa na fontám
Camalénga feto dóci
Chá-co-sucri dóci-dóci
Tudo óra têm na mesa
Quim querê fazê fineza.

Isabel Tello Mexia еще тексты