Jocelyn Montgomery - Viridissima | Текст песни

• Тексты песен
• Jocelyn Montgomery
• Viridissima

Song to the Virgin (R 474rb-va) Back to Table of Contents
by Hildegard of Bingen
1. O viridissima virga,
ave, que in ventoso flabro sciscitationis
sanctorum prodisti.

2. Cum venit tempus quod tu floruisti in ramis tuis,
ave, ave fuit tibi, quia calor solis in te sudavit
sicut odor balsami.

3. Nam in te floruit
pulcher flos qui odorem dedit
omnibus aromatibus que arida erant.

4. Et illa apparuerunt omnia in viriditate plena.

5. Unde celi dederunt rorem super gramen
et omnis terra leta facta est,
quoniam viscera ipsius frumentum
protulerunt et quoniam volucres celi nidos
in ipsa habuerunt.

6. Deinde facta est esca hominibus
et gaudium magnum epulantium.
Unde, o suavis Virgo, in te non deficit ullum gaudium.

7. Hec omnia Eva contempsit.

8. Nunc autem laus sit Altissimo.

Jocelyn Montgomery еще тексты