Klay BBJ & Hamzaoui Med Amine - Wa9tech ? وقتــــاش ؟ | Текст песни

• Тексты песен
• Klay BBJ & Hamzaoui Med Amine
• Wa9tech ? وقتــــاش ؟

[المقطع الأول]
[حمزاوي]

يا ڨلب معبّــي مخبّـي للدّهر حكايات
يا عمر عدّيناه في الشّـيــــخة هملا كاياسات
عروق المخ تصيح .. ورقة خريف في الرّيح
يا عين الدّمعة دم .. ما بات تشيح
خمسه بالكرتـوش .. و ما نموتش عصفـــور جريح
حمزاوي طاح عالزّاكــا .. ممّا فالك مــوش مليح
أغسل وذنيك إمّسخة .. بالماء ساڨيك منفّخة
بالبوذبّيح مشلّخة .. قاع سبادريك مفسخة
سنّيك خامجين و تكشّخة .. تقعد فرزيط مفشّخة
آش هزّيتـي ذنوب .. يا حكومة ما تذوب
يمشّــي فيها الكلب كلب كان موش المكلوب
عندك أنا عندك إنت و إلّـي لبارح روحــــو حرق
مالفقر شابع فرجة .. يحب يڨـطّع مالقلق
في بلاد ما تحاسب فيها لا إلّي قتل و لا إلّي سرق
تونس لبلاد تنوّح .. و البابور غرق
قطر في صبعها الخاتم و إنت عريان الشّـــق

[اللازمة]

يعيش الشعب التّـــونسي حرّ و تموت الأوباش
الخبزة شعلت فيها النّار و الزّوّالـــي عيّاش
بربّــي ريتش حرّية ! و الله ما ريتهاش
هاو ڨالــوا عملنا الثّورة .. هابّي وقتاش ؟

[المقطع الثاني]
[كلاي]

كـي نشوف وضع بلادي نراهم في راسي نكرّز
البطّال ڨاعد يعانـي و السّلطة عليه تعفّس
الحكومة شايخة في أموال الشّعب و ڨاعدة ترفس
و الزّوالي عايش مخنـوڨ و من حقّوا يتنفّس
جانفي 2012 خرجنا نحتفلوا بالثّورة
و نسينا الظّلم إلّي شفناه من كلاب الدّولة
الحكومة تعرّي في الشّعب لين كشفتلوا العورة
سارق لبلاد يا ظالم ندحيك للعالي المولى
حرّيّة الشّعب كلمة تنحّات مالقامــوس
لازمك تڨعــد ساكت كي البوليس عليك يدوس
كان جاء لفساد يعمل آماره في النّفوس
راهو البوليس بو شلطة ينبح و عندو بعبــوص
الشعب التونسي مسكين كرّز و كثرت غرايـــبوا
و الأحزاب بو دوروا ساقطة هي سبب مصايبوا
الشّهداء إلّي ماتوا .. و ليوما ولينا نعايبوا
السّلطة للشّعب و الحاكم على ركايبوا

[اللازمة]

يعيش الشعب التّـــونسي حرّ و تموت الأوباش
الخبزة شعلت فيها النّار و الزّوّالـــي عيّاش
بربّــي ريتش حرّية ! و الله ما ريتهاش
هاو ڨالــوا عملنا الثّورة .. هابّي وقتاش ؟

Klay BBJ & Hamzaoui Med Amine еще тексты