L'Arcusgi - Arcusgi di Pasquale [Corsica] | Текст песни

• Тексты песен
• L'Arcusgi
• Arcusgi di Pasquale [Corsica]

U sonu di u culombu introna la custera
Ci chjama lu ribombu sott’à cara bandera
Vicin’hè lu nemicu per piglià la Nazione
A retita di l’anticu ci dà mille ragione

Dumane in Ponte Novu
L’arcusgi di Pasquale
Seranu à lu provu
Di l’orcu culuniale
Cara sposa ti basgiu mi ne vò à la guerra
Dammi mondu curagiu per salvà la mio terra
Paura ùn avemu di’ssa razza odiosa
Di for’a punteremu cun l’armata gluriosa

Dumane in Ponte Novu
L’arcusgi di Pasquale
Seranu à lu provu
Di l’orcu culuniale

Diu vi salvi Regina cantan'i partigiani
Sperendu la ruvina di 'ssi rugnosi cani
Mor'ùn aghju primura s'ell'hè per u paese
Benchè risent'asprura di cumbatt'u francese

Dumane in Ponte Novu
L’arcusgi di Pasquale
Seranu à lu provu
Di l’orcu culuniale

S'avvicina l'albore u sguard'à l'orizonte
Zirighend'u furore e milizie sò pronte
In fondu di e valle si sente cum'un frombu
Eccu e forze di u male femu scuppà lu piombu

Dumane in Ponte Novu
L’arcusgi di Pasquale
Seranu à lu provu
Di l’orcu culuniale

Dumane in Ponte Novu
Contr'a sottumissione
Seranu à lu provu
L'Arcusgi di a NAZIONE

L'Arcusgi еще тексты