Leiko - Mõrsjaikk maamakõsõlõ - Причитание невесты матушке | Текст песни

• Тексты песен
• Leiko
• Mõrsjaikk maamakõsõlõ - Причитание невесты матушке

Maamakõnõ, mu armakõnõ,
Kallis kull'a maamakõnõ, või kaligo!
Lähene ma sulle lähkohe,
Kurval meelel ma saista kottalõ.
Sullõ jovva-i ma jalga kummardõlla,
Mar'akõnõ joht maalõ pain’tõlla.
Kumarda, nii kumalõ jää,
Maalõ heidä, nii maalõ jää!
Üles nõsõ-i ma ilma nõstmaldaq,
Ülest astu-i imp av’tamaldaq.
Sullõ kallu ma kaala ümbrele,
Sullõ oiu ma olgõ nõalõ.
Kaossi-ks ma su kaala ümbrelle,
Upussi su olgõ nõalõ!
Süä-ks ommõ süväste haigõ,
Meelekene om ladvani lahki.
Mille naksit ti minno andmahe,
Mille naksit ti varra valm’stama,
Kas tiiä-s sa, ime, mu ikä,
Vanõp, tiiä-s kas latsõ vanadusta?
Ammuq olõ-s joht tuu aokõnõ,
Tppnaq oll tuu tunn’kõnõ,
Põllõ seeh sa veide põllo pääle,
Rüpü seeh sa veide rüä manoq,
Sinnäq pannit sa kõivo kiikuma,
Vaahtrõhe sa pannit vaakuma.
Kõiv ommõ viil karavitsakõnõ,
Tuu vaher viil ommõ väikene.
Nii olõ ma noori nä’okõnõ,
Õga taha-i ma mehele minnäq,
Õga taha-i ma kaasal kaldudaq.
Näio olõ ma noori nä’okõnõ,
Õga mõista-i ma mehega elläq.
Maamakõnõ, mu armakõnõ,
Kallis kulla maamakõnõ, või kaligo!