Leksa Manush (Лекса Мануш) - Ušten, Romale! (Вставайте, цыгане!) | Текст песни

• Тексты песен
• Leksa Manush (Лекса Мануш)
• Ušten, Romale! (Вставайте, цыгане!)

ЛЕКСА МАНУШ. "УШТЭН, РОМАЛЭ!" ("ВСТАВАЙТЕ, ЦЫГАНЕ!")

Уштэн, уштэн, сарэ рома, уштэн!
Сы пора соибнастыр тэ газдэнпе.
Подэн, подэн, васта ко мэ подэн,
Екх ром ваврэскэ, кхэтанэ скэдэнпэ.

Нашты, нашты адякэ тэ дживэн,
Адякэ бут тумэ на продживэна.
Ракхэн, ракхэн лачё романыпэн,
Лаче романыпнаса на мэрэна.

Ангил, ангил, ромалэ, джян сарэ,
Сыклён гаджэндыр, нэ ячен ромэнца,
А сыр, а сыр явэна лылварэ,
Явэна зоралэ тумэ муршэнца.

Сарэ, сарэ лэн лылваря дро васт,
Прастан, прастан дро кхэр сыкляибнытко,
Одой, одой латхэна зор тэ бахт,
Тэ драб сарэ бидэндыр ракхибнытко.

Дживэн, дживэн прэ пхув труял, рома,
Тэ дрэ сарэ рига ёнэ уштэна,
Родэн, родэн, карик лэндэ дрома,
А сыр латхэна – бут пшала, пхрала явэна.

Камэн, камэн, екх ром ваврэс камэн,
Дживэн сыр пшала пралэса, пхэн пхэняса.
Дро екхипэ, дро пшалыпэ, дро камипэ
Романипэн ракхаса!