Lorem Ipsum - Anonimous s.XIII - Pastourelle à refrain | Текст песни

• Тексты песен
• Lorem Ipsum
• Anonimous s.XIII - Pastourelle à refrain

Au douz mois de mai joli
Joer m'en alai.
Une pastore oi
Qui criait: "Ahai!
Lasse, que ferai?
Se j'ai perdu mon ami,
Jame's n'amerai
Home de cuer gay!"

Quant la pastore entendi,
Cele part tornai.
Ele avoit le cuer marri,
Si la conforta[i]
Et li demandai
Pour qu'ele disoit ensi:
Jame's n'amerai
[Home de cuer gay?]

La pastore respondi:
"Je le vos dirai:
Robins a d'autrui de mi
Pris chapel de glai.
Si grand duel en ai
Que s'il me met en obli,
J'ames n'amerai
Home de cuer gay!

"Bele, puis qu'il est ensi,
Vostre ami serai;
A robin avez failli."
Tantost l'embracai:
Tel don li donai
C' onques puis ne dit ensi:
J'ames n'amerai
Home de cuer gay!

La pastore ot cuer joli,
Mignotot et gay.
Mout me plot et abelit
Ce que fait li ai.
Douce la trovai.
Adonques me dit ensi:
"JE VOS AMERAI
TOUZ JORS DE CUER VRAI!"


Lorem Ipsum еще тексты