Lou Dalfin - Plòu A Marselha | Текст песни

• Тексты песен
• Lou Dalfin
• Plòu A Marselha

I mancava enca’la pluèia
A Marselha l’autra sera
Carosèl de cavals d’aiga
Deschaenats per la charrièra

Cerco de trobar refutge
Fins que dura l’eslavàs
Quora veu un lum espalid
Pròpi al fons d’un quitanàs

An de morres da Siberia
I compaires del rasor
Assemblats dins la gargòta
L’aire es cònfit de vapor

En a que juèn, en a que buven
Se disputen al cotèl
I a gròs-ventre ’mbo la viola
Que la fai brular ’ma un vèl

Avaria chalgut vos dir
Al prencipi del discors
Que iu vivo sus la rota
Que siu un mestre-sonador

’mbo ’quò vau da n-aquel pinfre
e i diu « paure bonomàs
tu sies bòn da far sautissa
laissa perdre de sonar »

I derrabo la gratusa
E entameno una chançon
Encharmaa e tota la banda
Se jonh fito al rigodon

An laissat cotèls e cartas
Engolhat lo garlaban
Fai l’enfèrn dins la gargòta
Aquela corma de boemians

Me di un vielh charjat de cretas
Quora tot es acabat
« sies un diable abò la viola
ta musica t’a salvat
sem i mestres de la plana
sem de ladres, d’assassins
mas truchem pas nòstres fraires
vai, contunha ton chamin
lo gabian passa la mar
lo pònt passa la rivièra
tu, sonaire de charrièra
passa, per pus retornar

Lou Dalfin еще тексты