Malinky - Alison Cross | Текст песни

• Тексты песен
• Malinky
• Alison Cross

Alison Gross lives in yon tower,
The ugliest witch in the North countrie.
She's trysted me ae day til her bower
And mony's the braw speech she made tae me.

She showed me a mantle o reid scarlet
Weel wrocht wi gowd and fringes fine,
Says, “Gin ye'll be my leman sae true
This gudely gift it shall be thine.”

Chorus (after every other verse):
Awa, awa ye ugly witch,
Haud far awa and let me be.
Afore I'll kiss yer ugly mou
I'd raither toddle aroond the tree.

She showed me a sark o the saftest silk
Weel wrocht wi pearls abune the band,
Says, “Gin ye'll be my leman sae true
This gudely gift's at your command.”

She showed me a cup o the gude reid gowd
Weel wrocht wi jewels sae fair and fine,
Says, “Gin ye'll be my leman sae true
This gudely gift it shall be thine.”

And she's ta'en oot her grass green horn,
She blew it three times loud and shrill.
She swore by the moon and the stars abune
She'd gar me rue the day I ever was born.

And she's ta'en oot her silvery wand,
She straiked it three times o'er her knee,
She's muttered sic words as my senses failed
I feel doon senseless tae the ground.

Wi silver basin an silver kaim
Tae kaim my headie upon her knee,
Aye on ilka Saturday nicht
Aul Alison Gross she comes tae me.

It fell upon last Halloween
When the seely coort came riding by,
The Queen's lichit doon on a gowany bank
Nae far fae the tree whaur I did lie.

And she's ta'en oot her silvery wand,
She straked it three times o'er her knee,
She's turned me back tae ma proper shape
Nae mare tae toddle around the tree.

Malinky еще тексты