Martin S. - Дзённікі | Текст песни

• Тексты песен
• Martin S.
• Дзённікі

Бог хаваецца ў трох радках, што накрамсалі на сцяне,
І лічыцца, што гэта праўда нас ніколі не міне,
Сядзіш адзін, вакол цябе задзервянеўшыя лісты,
Яны стрываюць і змаўчаць, таму што гэтак лічыш ты.

Каму сядзець, каму кахаць,
Яны стрываюць і змаўчаць,
Каму паставіць у колы трапна тыя палкі.
Каму ляцець, каму страляць,
Яны стрываюць і змаўчаць,
А калі што – дык на кавалкі.

Хто адкажа мне,
як утрымаць навечна думкі ў галаве?
І хаваеш ты
Штодня пад зорным небам дзённікі свае.

Снег у галаве змагаецца за права на твае радкі,
Каб захапіць, не адпусціць, і вырвацца з іх напрасткі,
Цягнуць услед і можа быць аднойчы выліцца ў тэкст.
І хто тады, падумай сам, захоча скардзіцца на змест?

Што не злавіць, што не схаваць,
Яны стрываюць і змаўчаць,
Што не пазбегнуць болей безсэнсоўнай пасткі.
Што не забіць, што не зламаць,
Яны стрываюць і змаўчаць,
А калі што, дык пад запалкі....

Хто адкажа мне,
як утрымаць навечна думкі ў галаве,
І хаваеш ты
Штодня пад зорным небам дзеннікі свае.

Крок за крокам ты за ім ідзі.

Martin S. еще тексты