Mary Jane Lamond & Wendy MacIsaac - Tàladh Na Beinne Guirme (The Blue Mountain's Lullaby) | Текст песни

• Тексты песен
• Mary Jane Lamond & Wendy MacIsaac
• Tàladh Na Beinne Guirme (The Blue Mountain's Lullaby)

A dhaoine, bha mi ‘seo bho’n a bhris an là,
Sìnte, gu sìtheil ‘na mo shuain,
‘S an t-sìorrachd, am bòidhchead slàn mar a dheònaich E,
‘S an nàdur a’ freagairt dha mo dhuan.

Fàil ill ó ‘s na hó ro éileadh o ro
Fàil ill é ‘s na hó ro éileadh ó
Hiùrabh ó ‘s na hó ro éileadh o ro
Fàil ill é ‘s na hó ro éileadh ó.

Air maduinn, dh’fhairich mi ann dealachadh,
Mo chaithris is m’ònrachd ‘tighinn gu ceann,
Ceòl na tuaighe is nan duanagan,
Dh’éisd mi is thog mi fhìn am fonn.

Fàil ill ó ‘s na hó ro éileadh o ro
Fàil ill é ‘s na hó ro éileadh ó
Hiùrabh ó ‘s na hó ro éileadh o ro
Fàil ill é ‘s na hó ro éileadh ó.

Daoine, daoine còire, curanta,
A ghiùlain gach cruadal ‘s càs gu treun,
Dualchas, dualchas beairteach, briagha, beò,
Mar chàirdean, gu’n d’thug iad orm seinn.

Fàil ill ó ‘s na hó ro éileadh o ro
Fàil ill é ‘s na hó ro éileadh ó
Hiùrabh ó ‘s na hó ro éileadh o ro
Fàil ill é ‘s na hó ro éileadh ó.

Ach thàinig, thàinig oirnn an darna là,
Is chunnaic mi mo dhaltan a’ sìoladh às,
‘S gann gu’n cluinn mi an cànan ceòlmhór, blasda, binn,
Cànan coimheach, cruaidh a’ tighinn ‘na h-àit’.

Fàil ill ó ‘s na hó ro éileadh o ro
Fàil ill é ‘s na hó ro éileadh ó
Hiùrabh ó ‘s na hó ro éileadh o ro
Fàil ill é ‘s na hó ro éileadh ó.

Tha sgleò, tha sgleò air tighinn air an àite seo,
Is sàmhchair bho’n a dh’fhalbh móran,
‘Nam chaithris air mo chloinn ‘nan cadal buan,
Fanaidh mi ‘gan tàladh ann le’m òran.