M.I.C Avenue - Unelehui | Текст песни

• Тексты песен
• M.I.C Avenue
• Unelehui

Дээрэнгүй зантныг хараад дэрвэж зугтах нь олон
Дээдэс ноёдыг хараад бялдуучлах нь олон
Дорой буурай нэгнээ дарлах хүн олон
Доогуур заяатныг доог тохуу хийх нь олон
Сэтгэл дундуур нэгэндээ дэм болох нь ховор
Сэтгэлийг нь таних нүдтэй хүмүүн ховор
Бусдын сэтгэлд талархаж баярлах хүмүүн ховор
Буруудаж яваа нэгнээ засаж авах нь ховор
Сэтгэлээ харамлах харамч хүмүүс олон
Будилж яваа нэгнээ бусниулж хаях нь олон
Хар амиа бодсон нь хаа сайгүй олон
Хар толгойндоо л итгэж үг сонсох нь xовор

дх: Шаргал сайхан нарны доор сандайлж суухаар төрөв би Шанз хуурын эгшигэнд нь уярч дуулахаар сурав би Үүлэн цэнхэр тэнгэрээ шүтэн босгохоор шийдэв би Үнэн мөн чанарыг сахин суухыг хүсэв би....

Үгээр хүнийг үхүүлж болно үгээр хүнийг амьдруулж болно
Үнэ цэнэтэй үг бүхэн үнэн зүрхэнд оршино...
Үнэн зүрхнээс гарсан бүхэн бусдын чихэнд заавал түгэг
Бусдыг элдэв үгсээр бүү зүрхийг нь шархлуул!!!
Бусдын бурууг чичэж явахаар өөрөөсөө хайсан нь дээр
Будилж яваа хүнийг хараад зөв замийг заасан нь дээр
Хэрвээ би буруутай бол бурхан тэнгэрээс уучилал хүсэе
Хайртай бүхнээ гомдоосон бол бүгдээс хүлцэл өчие
................................................................................­..................
Хүмүүн болон төрөхөд хувь тавилан минь зурагддаг байх
Өмсөж зүүх идэх уух нь зураастай байдаг байх
Гэм нүгэлээс холуур явбал гэрэлт зам минь ойрхон байх
Гэмшиж ойлгож чадваас сэтгэл зүрх минь сэргэх байх
Нүцгэн биеийн жаргал ихэдвэл нүгэл нүдээрээ гарах байх
Алдаж онох хорвоод амсxийx цаг байхгүй байх
Хүмүүн болон мэндэлэх нь энэ биеийн жаргал байх
Хөрст дэлхийд мэндлүүлсэн эцэг эхийн буян байх

ДХ: Булаг шандын усанаас нь амсаж өсөж торинов би Буга согоо нь бэлчисэн өргөн талаа дуулж суунам би Шаргал хээр талаар нь шандаст хүлэгээ унав би Сайхан бүхнийг биширч хүндэлж мөргөж залбирч сурав би

Бултаараа хамтаараа олноороо бид нутаг нугаараа
Булгиж огшиж цохилох бид зүрхний угаасаа
Замбуйлан тивээс заяасан хүйн холбоо мэдрэхүй
Заяасан бүхний учиг хүмүүний сэргэхүй
Уул уснаа гол мөрнөө уялдан зохицон амьдрах
Хүн гэдэг төгс бус мөнх бусыг ухаарахуй
Чихний чимэг болсон аялгуут сайхан эгшигээр
Чин зүрхнээ магтан дуулж үнэлэхүй... Шаргал сайхан нарны доор сандайлж суухаар төрөв би Шанз хуурын эгшигэнд нь уярч дуулахаар сурав би Шаргал хээр талаар нь шандаст хүлэгээ унав би Сайхан бүхнийг биширч хүндэлж мөргөж залбирч сурав би