Montserrat Figueras (soprano), ensemble Hesperion XX, director Jordi Savall - la Comtessa Beatriz de Dia: A chantar m'er... | Текст песни

• Тексты песен
• Montserrat Figueras (soprano), ensemble Hesperion XX, director Jordi Savall
• la Comtessa Beatriz de Dia: A chantar m'er...

A chantar m-er de so qu-eu no volria,
Tant me rancur de lui cui sui amia ;
Car eu l-am mais que nulha ren que sia :
Vas lui no-m val Merces ni Cortezia
Ni ma beltatz ni mos pretz ni mos sens ;
Qu-atressi-m sui enganad' e trahia
Com degr' esser, s-eu fos desavinens.

D'aisso-m conort, car anc non fi falhensa,
Amics, vas vos per nulha captenensa ;
Ans vos am mais non fetz Seguis Valensa,
E platz mi mout que eu d'amar vos vens ;
Lo meus amics, car etz los plus valens ;
Mi faitz ogolh en ditz et en parvens
E si etz francs vas totas autras gens.

Meravelh me com vostre cors s'orgolha,
Amics, vas me, per qu-ai razon que-m dolha ;
Per nulha ren que-us diga ni acolha.
E membre vos quals fo-l comensamens
De nostr'amor ! Ja Domnedeus non volha,
Qu-en ma colpa sia-l departimens.

Proeza grans, qu-el vostre cors s-aizina,
E lo rics pretz qu-avetz m-en ataina ;
Qu'una non sai, lonhdana ni vezina,
Si vol amar, vas vos no si' aclina ;
Mas vos, amics, etz ben tant conoissens
Que ben devetz conoisser la plus fina :
E membre vos de nostres partimens.

Valer mi deu mos pretz e mos paratges
E ma beutatz, e plus mos fins coratges ;
Per qu'eu vos man, lai on es vostr'estatges,
Esta chanson, que me sia messatges
E volh saber, lo meus bels amics gens,
Per que vos m-etz tant fers ni tant salvatges ;
No sai si s-es orgolhs o mals talens.

Mas aitan plus volh li digas, messatges,
Qu'en trop d'orgolh an gran dan maintas gens.

Montserrat Figueras (soprano), ensemble Hesperion XX, director Jordi Savall еще тексты