MORT - 4.Учкы синучконэ | Текст песни

• Тексты песен
• MORT
• 4.Учкы синучконэ

Учкы синучконэ.
1) Куддыр потэ мон пересь нӥ, 65, мар, арес,
Кудӥз улӥз нӥ улон но эскериз дырез.
Пуксьыса капка азям аратысал чильымме,
Бергатыса син азям инӥ улон улонме.
Учкысал кызьы шудо ульча куспын нылпиос,
Ӝытъёсы кызьы ватско инвис сьӧры шунды сиос.
Нош вӧзам адями – оскымон но дуно.
Шуысал – мон шудо. Та дырез кутоно.
Нош зэмос улонам, кыкпол 10 ар улыса,
Мыным потэ мон ортчи али быдэс вакытме.
Ачим пичи тыметам, со чик ӧй ву валаса,
Кызьы пӧрме зарезьлы, но дӥськутэ нӥ котме.
Эскери мар потэ, моски солэсь, мар кутэ,
Улэме шыпытын на кӧня ке ар потэ.
Собере тырмысал, дыр, но, кылдэ на юан:
Мон вуттӥ-а ваньзэ, азьло мар вал малпанам..?

(Припев) Учкы синучконэ, кӧня тыныд арес?
Эны, эн, алда, уз лу кутыны дырез.
Тон ук, ачид со, ваньз-а вуттӥд, карид
Малпанъёстэ ,азьло ма аслэсьтыд курид?

2) Мон – кыӵе вань нӥ, ярам.
Мон – уг нӥ учкы берам.
Мон – пыд йылам ай сылко.
Мон – куарадэс но кылко.
Но матысь адямиос шорам учко паймон синмын,
Но чик уг валало, малы умой нӥ огнамлы мыным.
Валэктыны кызьы уг тодкы мон, малы мыным кельше
Аслым гинэ ярась кылбур гожъян, кудӥз берло ыше
Йырвизь пушкам, дырен тышкам. Ымныръёсты кин ке лушкам.
Со лушкемен троссэ ишкам но пыдлогес пырны кышкам.
Таре пукко, пичи нылпи кадь, муртаса матысь эшме,
Нырысь кышкыт ачим понна, нош собере синмы дышме.
Тӥ мыным ваелэ омыр! –
Сое лэзё вийыме пыр. Синучконэз нӥ ӵушыло,
Но мон асме, коть, тодмало.
Тон но астэ учкы, пурысьтам йырсидэ лыдъя!
Вай тодад кызьы со тӧдектӥз, кыӵе мылкыдъя.
Атай-анаедлы вуттӥд-а трос беректыны,
Марзэс сётӥзы соос тонэ будэтыны?
Уг поты ке возьыт, бамтӥд уг васькы ву кузьыт,
Пушкад ваньмыз тырмыт, кадь но, ӧвӧл отын кезьыт.
Шудо улон шудкод ке но, юан синучконлы –
Со ик адями, меда, кулэ отын сылны..?

(Припев) Учкы синучконэ, кӧня тыныд арес?
Эны, эн, алда, уз лу кутыны дырез.
Тон ук, ачид со, ваньз-а вуттӥд, карид
Малпанъёстэ ,азьло ма аслэсьтыд курид?

Учкы синучконэ, тодма тон со тусэз.
Эны, эн алда, ӧвӧл син азяд бусэз.
Тон ук, ачид со, кулэ аслыд тодыны,
Со адями-а кулэ отын сылыны.


MORT еще тексты