MORT - Уйвӧт дунне | Текст песни

• Тексты песен
• MORT
• Уйвӧт дунне

Уйвӧт дунне.
1) Кылизы бере, вунӥзы аръёс,
Но али таре паймоно синъёс
Учко шорам копак мукет сямен.
Шунды сюлмам – куке матын тонэн.
Монэн мар луиз? – бен кин-о валэктоз?
Тусбуед уйин бен нош ик а лыктоз?
Киостӥм кутоз, лобомы инме.
Сайкаме уг пот – улсал тонэн гинэ.
Но ӵукна тылси синмам ини пиштэ,
Уйвӧтэ сылме, тонэ нош ик ыштэ.
Огнаме куштэ, мылкыдме воштэ,
Тусбуед пуштэ, кылемзэ – ӵыжтэ.
Пукисько огнам. Котырак юанъёс:
Бен азьло озьы ӧй вал, но кин монэ кылоз?
Тазьы пукны возьыт, тырмыт,
Султо, верало ваньзэ тыныд.

ПР: Ворса синъёстэ, вӧлъя бурдъёстэ –
Пеймыт дуннеед кылёз, тонэ шундыед кылоз.
Лобӟы вылӥе, эн учкы ни тон берад.
Луоз улонэд югыт, кылоз дунне, ма верад.

2) Йыгаське сюлэм – тонэ мон адӟисько.
Шуныттэ шӧдса калленак кудӟисько.
Лыктӥ дорад, быгыльмыны кулы куткем.
Вазьыса ачим ӧй вуы, шуид ини «чырткем».
Нош мон «Умой, маро, кыӵе маар ужъёс,
Маке огнад сылкод, нош кытын-о эшъёс?»
«Ма ваньмыз умой, витисько ай вуозы.
Но мылкыд урод, шат соос шумпоттозы.
Тини лоба пилем, мон отчы дыр тубасал,
Кинэн ке, кык кузя, тэтчасал, серекъясал…
Но уг луы лобаме, ӧвӧл ук бурдъёсы.
Шунды ик ватӥськоз – мынам бӧрдоно тусы…»
«Тон мар! Ми лобам ук кыкнамы тонэн гинэ,
Туннэ ӵук уйвӧтам, тини со ик пилеме!»
«Зэм-а? Уйвӧтад, тонэн ӵош кыкнамы?..»
«Бен, но ӵукна сылмиз шумпотонмы…
Вуылсал на мон отчы, отын сыӵе небыт пилем…
Номыр но кулэвӧл ни, шумпотэ гинэ сюлэм…»
«Бен маро сылӥськод на дырез юнме быдтыса?!
Ойдо ук, кошким, эскером на лобаса!»

ПР: Ворса синъёстэ, вӧлъя бурдъёстэ –
Пеймыт дуннеед кылёз, тонэ шундыед кылоз.
Лобӟы вылӥе, эн учкы ни тон берад.
Луоз улонэд югыт, кылоз дунне, ма верад.

3) Шуныт но небыт пилемъёс пӧлтӥ,
Ми лобом тонэн гурезьёс йылтӥ,
Кизили, толэзь но шунды ултӥ.
Кулэтэм малпанъёс – соосты кӧлтӥ.
Люкетӥсь нокин ӧвӧл. Шунды пиштэ серекъяса.
Сьӧрамы пельтэ нош тӧл. Котьку улсал мон вӧтаса…

ПР: Ворса синъёстэ, вӧлъя бурдъёстэ –
Пеймыт дуннеед кылёз, тонэ шундыед кылоз.
Лобӟы вылӥе, эн учкы ни тон берад.
Луоз улонэд югыт, кылоз дунне, ма верад.


MORT еще тексты