Nanni Svampa - L'erba matta (La mauvaise herbe) | Текст песни

• Тексты песен
• Nanni Svampa
• L'erba matta (La mauvaise herbe)

On dì de gloria l'era ‘rivaa
quand tucc i alter eren partii
mì, domà mì, hoo conossuu
el disonor de restà chì!

Mì sont ‘mè l'erba matta
brava gent, brava gent
l'è inutil mettom l'oli
per condimm in insalata
La mòrt l'ha ciappaa i alter
brava gènt, brava gent
la m'ha faa grazia a mi
l’è minga giusta, ma l'è insci
Tra la la la la la la la
Tra la la la la la la lara
Mì voraria savè’l perchè
ve dà fastidi vedemm in pè
Mì voraria savè’l perchè
ve dà fastidi vedemm in pè.

I donn hinn faa 'mè disen lor,
per stà settaa e spettà l'amor
mi gh'hoo on donnin che spetta nò
l'è in via Verzee che la va su e giò

Mì sont ‘mè l'erba matta
brava gent, brava gent
l'è inutil mettom l'oli
per condimm in insalata
Lee la se vend ai alter
brava gent, brava gent
la se regala a mì
L'è minga giusta ma l'è inscì
Tra la la la la la la la
Tra la la la la la la lara
Mì me par nò che per fà l'amor
ghe voeura i vergin e i mazz de fior
Mì me par nò che per fà l'amor
ghe voeura i vergin e i mazz de fiór.

I òmen vann in gir per el mond
semper insemma come i cavron
mì inveci nò, stoo in de per mì
mangi de grassa anca 'l venerdì.

Mì sont ‘mè l'erba matta
brava gent, brava gent
l'è inutil mettom l'oli
per condimm in insalata
mì sont ‘me l'erba matta
brava gent, brava gent
e cressi in libertà
adree ai panchett e in mezz ai praa
Tra la la la la la la la
Tra la la la la la la lara
Me piasaria savè el perchè
vorii schisciamm sòtt ai vòster pè
Me piasaria savè el perchè
vorii schisciamm sòtt ai vòster pè

Nanni Svampa еще тексты