N.R.M. - Fabryka | Текст песни

• Тексты песен
• N.R.M.
• Fabryka

І вось гэты новы дзень -
Дзень адзін з ланцугу,
І я у вакно глядзеў
Праз інжу, праз смугу...
Выбіраеш - выбірай
Каляровы неба край,
Выбіраеш - выбірай
Дзіўны край Індакітай...

Толькі фабрыка ў маім акне
Будзе жыць у летаргічным сьне.
Толькі фабрыка ў маім акне
Не прачнецца нават па вясьне...

Прыйшоў гэты новы дзень
І згарэў, не сагрэў...
І ты ў гэты новы дзень
Пасталеў, пастарэў...
Робіш выгляд - я раблю,
Што люблю усю Зямлю.
Добры вечар, добры дзень -
Нібы колы па вадзе.

Толькі фабрыка ў маім акне
Будзе жыць у летаргічным сьне.
Толькі фабрыка ў маім акне
Не прачнецца нават па вясьне...

Прыйшоў невядома хто,
Шэры твар, бляклы твар
І сказаў, што цяпер ён тут
Гаспадар, гаспадар...
І можна усё забыць,
Есьць і піць, сноў ня сьніць;
І можна набыць віно
І глядзець у вакно.
Разумееш - зразумей,
Што ня згас яшчэ агмень (агонь),
А калі агмень ня згас -
Нам згасаць яшчэ не час!

Толькі фабрыка ў маім акне
Будзе жыць у летаргічным сьне.
Толькі фабрыка ў маім акне
Не прачнецца нават па вясьне!