NRM - Легкія | Текст песни

• Тексты песен
• NRM
• Легкія

здымай сядло, гасі сьвятло.
па плечы сьнегу намяло.
ці то ня сьнег ці проста час
зьмяняе сьвет, зьмяняе нас.
растуць дамы пасьля дажджу.
будуем мы сваю мяжу.
будуем мы магутны мур,
каб там схаваць сваю душу.

легкія-легкія нашы далекія.
цяжкія-цяжкія блізкія нашыя.
сьветлыя-сьветлыя нашы памерлыя.
цемныя-цемныя нашы штодзенныя.

у сьветлым сьне ці ў цемных днях
сказалі мне, што ты – мая.
ніхто нічый. усе свае.
і кожны дбае пра сябе.
і кожны сам сабе бальзам
на раны лье начной парой.
і мы глядзім бязглузды фільм,
дзе кожны – сам сабе герой.

было і есьць. і наша злосьць,
нібыта ў глытках нашых косьць.
над намі страх, нібыта сьцяг.
і мы жывем, нібы ў гасьцях.
зьбірай сяброў, запальвай газ.
усе стагодзьдзе – дэкаданс.
здымай сядло, гасі сьвятло.
па плечы сьнегу намяло.

NRM еще тексты