Nuova compagnia di canto popolare - 'A città 'e Pullecenella | Текст песни

• Тексты песен
• Nuova compagnia di canto popolare
• 'A città 'e Pullecenella

T’ accumpagno vico vico
sulo sa tte ca si’ n’ amico
e te porto pe’ ‘e quartiere
addò ‘o sole nun se véde
ma se vede tutto ‘o riesto
e s’arapeno ‘e fenèste
e capisce comm’ è bella
‘a città ‘e Pullecenella.
Comm’ è bella comm’ è bella
‘a città ‘e Pullecenella.
Comm’ è bella comm’ è bella
‘a città ‘e Pullecenella.

Me dispiace sulamente
ca l’orgoglio e chesta gènte
se murtifica ogni juorno
pe’ ‘na manica ‘e fetiénte
ca nun tèneno cuscienza
e nun tèneno rispetto
comme fanno a piglià suonno
quann’ è ‘a sera dint’ ‘o lietto.
Dint’ ‘o lietto dint’ ‘o lietto
quann’ è ‘a sera dint’ ‘o lietto.
Dint’ ‘o lietto dint’ ‘o lietto
quann’ è ‘a sera dint’ ‘o lietto.

E mo te porto a Margellina
sèmpe ca nun tiène fretta
verso ‘e ccinche d’ ‘a matina
quanno ‘o traffico ‘o permette
cca è permesso tutte cose
no pecché tiéne ‘o diritto
ma pecché s’è sempe fatto
o è sultanto pe’ dispietto
Pe’ dispietto pe’ dispietto
è sultanto pe’ dispietto
Pe’ dispietto pe’ dispietto
è sultanto pe’ dispietto

Me dispiace sulamente
ca l’orgoglio ‘e chesta gente
se murtifica ogni juorno
e nuje ce mettimmo scuorne
ma nisciuno po’ ffà niénte
ce a zucammo ‘a caramella
comm’ è ddoce e comm’ è bella
‘a città ‘e Pullecenella.
Comm’ è ddoce e comm’ è bella
‘a città ‘e Pullecenella.
Comm’ è ddoce e comm’ è bella
‘a città ‘e Pullecenella.

Io che songo musicante
e me sento furtunato
canto e sono, sono e canto
chésta bella serenata
è pecché so’ nnammurato
pecché forse ce so’ nato
ma vedite comm’ è bella
‘a città ‘e Pullecenella.
Comm’ è bella comm’ è bella
‘a città ‘e Pullecenella.
Comm’ è bella comm’ è bella
‘a città ‘e Pullecenella.
Comm’ è bella comm’ è bella
‘a città ‘e Pullecenella.
Comm’ è bella comm’ è bella
‘a città ‘e Pullecenella.

Оригинал: http://soundtrack.lyrsense.com/cera_una_voltascugnizzi/a_citta_e_pulecenella
Copyright: http://lyrsense.com ©

Nuova compagnia di canto popolare еще тексты