Okaber - Hedef Umudlerdi | Текст песни

• Тексты песен
• Okaber
• Hedef Umudlerdi

Hər əsər yazılanda mən də böyüyürdüm
Hədəfdə tutulub qalmış ümidlərimi söyürdüm
Sevirdim amma xəyanəti görəndə ölürdüm
Qəlbdə bağırırdım, üzdə it kimi hürürdüm
Varlığım olsa da sənə möhtac, barışırdım
Sən şahzadə deyildin amma sənə tac yaraşırdı
Necə dəyişərmiş məna sözlər yozulanda
Necə pozularmış ətraf, bir nəfər pozulanda…

Hər əsər yazılanda məndə böyüyürdüm
Qonşum içirdi hər gün, anasını döyürdü.
Onda balacaydım,anlamırdım maldan,tozdan
Sonralar başa düşdüm ki, ölüb peredozdan.
Dedilər, müəllim müqəddəsdir, mənə öyrətdilər
Müəllimə hörmətin adı olub rüşvət dedilər
Ruhumu kirlətdilər, onsuz da çirkabdı,
Yazdığım əsərlər verilən suallara cavabdı

Hər əsər yazılır paranoya harayımdan
Gündə bir kərpic düşür ömrümün sarayımdan
Neyrocərrahiyyə, hər dəfə ukol beyinə
Kapsula, lirika, qranula, tramadol meyitə
Dönən bədənimi morqa buz kimi qoydular hətta
Meni kafir kimi taniyib dərimi soydular hətta
Dedilər qəlbin qaradır, ətrafıda qaraldır
Mən isə yazırdım yoxsulluq vətənə sevgini azaldır.

Dedilər arali dur, dur bir az o tayda
Qanimda quduzluq var, gəlirəm boz ayda
Dövr də dəyişilib artıq burcudur omba geylər,
Gözəl qız kəlməsi əvəz olunub bomba şeylə.

Dedilər: Psixopatsan? Yazırsan axmaq kimi,
İndi yaşamaq üçün olmalısan yaltaq kimi.
Sapı özümüzdən olan balta kimi doğra kəs,
Hədəfdə əks ümidlər gəlir tərs,
Ömür qəfəs!

Çək tətiyi sonuna qədər, hədəf ümidlərdi
Güllələ, həyat boş, mənasız cümlələrdi
Ya bir musiqidir, gəlir duyğulara xoş
Əslində boş xəyanəti əks etdirən sevgidir.

Çək tətiyi sonuna qədər, hədəf ümidlərdi
Güllələ, həyat boş, mənasız cümlələrdi
Ya bir musiqidir, gəlir duyğulara xoş
Əslində boş xəyanəti əks etdirən sevgidir.

Okaber еще тексты