Omar Otar - Hey, alanla, qazawatha turğanbız | Текст песни

• Тексты песен
• Omar Otar
• Hey, alanla, qazawatha turğanbız

Музыка Омара Отарова, стихи народные
(песня была записана со слов 100-летнего старика в 1983 году).

Хей, аланла, къазауатха тургъанбыз,
Уллу таула бояла къызыл къаннга,
Алан халкъы бирден болуб, къобханбыз,
Кюбеле да булгъана мурдар къанга!

Тенгиз ууу ёзенлеге джетгенди,
Алтын чачлы кёк кёзлюле, къайдасыз?
Кюбелени, къылычланы джылтыратыб,
Аланлыла, къазауатха чыгъыгъыз!

Биз барырбыз ёзенледен тенгизге,
Алан халкъы, тебире джортуулгъа!
"Къонакъланы джолу бошду!" - деб къойсакъ,
От салырла тау башында туузгъа.

Алан къандан толгъан къадар джюрекле,
Къара къанлы гыбышыла, тохтатыгъыз!
Алан халкъы бирден болуб сюелсе,
Мурдар къанны тенгизледен эмербиз.

Хей, аланла, ким базыныр, бир болсакъ?!
Алан тюзге уллу кёллю биз болсакъ,-
Къара къанлы сарубекле джетерле,
Ходжанлагъа чигинджиле битерле.

Хей, аланла, ант этейик бир болуб:
Аллыбыз тюз, артыбызда тау болса,
Бир этекли эки тёппе сау болса,
Алан тюзде къара къанлы онгдурмакъ!

Къойларыбыз отларла джайлыкълада,
Гыбышыла тешерле ауузлукъну,
Бизни къызла эки эшме атарла,
Ышымларын джылтырата батырла.

Кёк гюлменди къысылгъанды тойлада,
Акъ гюлменди кийилгенди отоуда,
Бал джагъайыкъ алан къызгъа, хей, маржа!
Тухтуйланы хазырлагъыз, аланла!

Хей, аланла, къазауатха туругъуз!
Тенгизлиле ёзенлеге кирдиле,
Мийик таула артыбызда къалсынла!
Тулпар къанла сакъласынла ёзенни!

Къара кюйню джырламагъыз таулада,
Атлы ётмез биз саулукъда джашыртын!
Къара къойла союлурла къууанчда,
Хей, аланла, сакъ болугъуз таулагъа!

Хей, аланла, келиб къалды къара кюн,
Ой, джарлы анам, барабыз тенгиз къабхан,
Ёре ходжан букъулудан толмасын,
Бир гыбышы алан тюзде онгмасын!

Кюн да батар, танг да атар ёзенде,
Биз келирбиз, алан къартла, сакълагъыз,
Кёбелейге сюзюлюрбюз, къууана,
Аналагъа баш урурбуз, къаблана!

Omar Otar еще тексты