Orxan Zeynalli - Nil (feat. Tomris) | Текст песни

• Тексты песен
• Orxan Zeynalli
• Nil (feat. Tomris)

Verse 1:
Sabahın xeyir Nil, bu gün hava 10 dərəcə
Səmadan 1-2 damcı sevgi və yağış yağır
Bilirsən, həyat bəzən qəddar olur son dərəcə
Dərdə öyrəşdirsələr də, biz heç vaxt barışmadıq
Gecələr sənin olsun, sən bəzən ulduzlar tək
parıltılar içində, işıq saçan incə biri
İnsanlar üzdülər bizi, onlarda yoxdu gerçək
Od vurub gözlədilər, amma biz alışmadıq
Sabahın xeyir Nil, Bakıda sərt küləklər əsir
Payızın sevgi qoxusunu biz heç vaxt hiss etmədik
Ayırmaq istəsələr də, qəlbin parçalarını
Biz olmadıq təslim, keçər bu həsrət dedik
Yatağın istidi yəqin, üstünü sevgiylə örtüb
Qorudum yadlardan, ətrafında sevgilər hördüm
Sənlə hər zaman susub heç vaxt danışmasaq da
Sən məni anlayırsan, mən səni anlamasam da

Nəqərat[Tomris]
Nil, ötür ömrün illəri
Sənin ürəyin yaşadır məni.
O günahsız barmaqların,
Gecələr toxunur, oyadır məni.(2)

Verse 2.
Sabahın xeyir Nil, bütün Bakı duyur ətrini
İslanmış prospektdən keçib yəqin dərdli bir kəs
Bu mahnılar da bir gün biləcək sənin qədrini
Radioda səndən danışır bu gün şöhrətli bir kəs
Məsafələr heçdir, xəritədə bir iki barmaq
biz dünya boyda olsaq da heç vaxt öyünmədik
Qırılan körpülərdən uzaq qaçıb tənha qalmaq
Biz tənha rəqəmlər tək, ikiyə bölünmədik
Axşamın xeyir, Nil yəqin ki tanıdın məni
tozla dolu bu şəhərdə, heç kimə qarışmadıq
Mahnılar qəmləndikcə, zirvəyə qaytarır məni
Hər kəs bizdən danışdı, sən heç vaxt danışmadın
İsidir sevgini bəzən, soyuqdan donmuş əllər
Deyəsən qanadını əzdin səmalardan düşəndə
Bu notlar sənə yad deyil, hər birini tanıyırsan
Mən səni anlamasam da, sən məni anlayırsan

Nəqərat[Tomris]
Nil, ötür ömrün illəri
Sənin ürəyin yaşadır məni.
O günahsız barmaqların,
Gecələr toxunur, oyadır məni.(2)

Orxan Zeynalli еще тексты