Philippe Jaroussky - A. Vivaldi - Stabat mater - 1 | Текст песни

• Тексты песен
• Philippe Jaroussky
• A. Vivaldi - Stabat mater - 1

1
Stabat mater dolorosa
juxta Crucem lacrimosa,
dum pendebat Filius.
2
Cuius animam gementem,
contristatam et dolentem
pertransivit gladius.
3
O quam tristis et afflicta
fuit illa benedicta,
mater Unigeniti!
4
Quae moerebat et dolebat,
pia Mater, dum videbat
nati poenas inclyti.
5
Quis est homo qui non fleret,
matrem Christi si videret
in tanto supplicio?
6
Quis non posset contristari
Christi Matrem contemplari
dolentem cum Filio?
7
Pro peccatis suae gentis
vidit Iesum in tormentis,
et flagellis subditum.
8
Vidit suum dulcem Natum
moriendo desolatum,
dum emisit spiritum.
9
Eia, Mater, fons amoris
me sentire vim doloris
fac, ut tecum lugeam.
10
Fac, ut ardeat cor meum
in amando Christum Deum
ut sibi complaceam.

Philippe Jaroussky еще тексты