Pomidor/off - Данесьлі добрыя людзі | Текст песни

• Тексты песен
• Pomidor/off
• Данесьлі добрыя людзі

Данесьлі добрыя людзі
(А я спакойны чамусь),
Што жыцьце пачало паскудзіць
Былому Каханню майму.
Колькі ж годных яна абсьмяяла!
Колькі чыстых на сьметнік зьвяла!
Піравала, гуляла,
У Божы рай па трупах ішла.
Гэта толькі пачатак гісторыі:
Будзе ёй яшчэ на зямлі
Безвыходней куды і горай…
Так, як мне празь яе калісь.

Сеньня плачуць сьлязой яе вочы.
А заўтра – кроў яна зь іх пралье…
Але гэта ня ёй адплочваю —
гэта лёс ёй спаўна аддае.
Б’е за шчасьце мае, і за мукі,
І за ўсе, што аддаў сатане…

Але ж Божа, анёл ці гадзюка –
Усе ж была яна часткай мяне.
Твой закон, і права, і сіла,
І таму не малю за сябе…

Бог даруй, Бог – цябе памілуй,
Хай сабе і ў сьмяротнай журбе.

Pomidor/off еще тексты