Ralph Glomp - Se Vi Amas Min ne Plu | Текст песни

• Тексты песен
• Ralph Glomp
• Se Vi Amas Min ne Plu

Imagu kion mi sentas.
Kial vi iris nun for?
Haton, ofendojn mi pentas
dolorojn en mia kor’,
tio ne solvas problemojn,
la amo perdiĝas de ni.
Risko kaj ni rekomencas
vojaĝon komunan por ni.

Mi sidas kaj skribas leteron,
esperas je via kompren’,
miaj larmoj nun tuŝas paperon
kaj formas el ili nun ĉen’,
libera vi estas kaj ĝuas
la vivon kun plena ĝoj’,
mensogojn - la kapon mi skuas
min tuŝu por lasta foj’

Se vi amas min ne plu
estas mia kulpo, ĉu?
Estas gajn’ de l’ infer’:
en diabla la sfer’
ne ekzistas la am’.

Se vi amas min ne plu
kiaj sentoj restas, nu?
Iĝas frosta la ĉiel’,
damnitaj nun estas ni du.

Memoru pri kio ni revis
pri amo eterna por ni.
Ofte ni ambaŭ vojaĝis
al lokoj de la fantazi’.
Permesu al viaj sentoj
regi la vivon por vi.
Risko kaj ni rekomencas
vojaĝon komunan por ni.

Se vi amas min ne plu
estas mia kulpo, ĉu?
Estas gajn’ de l’ infer’:
en diabla la sfer’
ne ekzistas la am’.

Se vi amas min ne plu
kiaj sentoj restas, nu?
Iĝas frosta la ĉiel’,
damnitaj nun estas ni du.

Instrumental

Nun vi ree amas min,
estas vera am-inklin’,
estas gajn’ de l’ ĉiel’,
amo - dia afer’,
ne ekzistas malam’.

Nun vi ree amas min,
haton venkas mi kun vi,
iĝas frosta l’ infer’
kaj eterne mi amos vin.

Mi amas vin.