Rapunzel & Sedayne - Robin Redbreast's Testament | Текст песни

• Тексты песен
• Rapunzel & Sedayne
• Robin Redbreast's Testament

Robin rais'd him frae the earth,
And mounted on a tree;
O for a clerk to write my will,
Some time afore I die!

Chorus: Sing, Father, link ye, hink ye, dink,
Sing, Father, linkum dearie;
Sic a bird as you, Robin,
Sat never on the brierie.

I've biggit on yon bonny burn bank
Mair than three thousand yearie;
And fain wou'd I my tesment make,
If my lanlord wou'd hear me.

Say on, say on, my bonny bird,
An' see what ye will lea' me;
For sic a bird as you, Robin,
Sat never on the brierie.

I lea' to you my bonny cap,
That sits upo' my head;
I'll lea' it to yoursell, my lord,
To drink your wine sae red.

[I'll lea' to you my harnpan,
It is baith lang and sma';
I'll lea' it to yoursell, my lord,
To drink your wine witha'.

I'll lea' to you my bonny nib,
That used to stue the corn;
I'll lea' it to yoursell, my lord,
To be a touting horn.]

I'll lea' to you my guid twa een,
That are like crystal stane;
They will shaw light in a lady's bower,
When the light o' the day is dane.

[I'll lea' to you my twa ribs,
Which are baith lang and sma';
I'll lea' them to yoursell, my lord,
For kipples to your ha'.]

I'll lea' to you my tee leg,
Upo' the water o' Wearie;
It will be posts and pillars to you,
And last this hunner yearie.

I'll lea' to you my tither leg,
Upo' the water o' Tay;
It will be posts and pillars to you,
And last for ever and aye.

[Ye'll yoke five score o' owsen wanes,
And hae me to the hill;
And see ye deal my inmates well,
And gie the poor their fill.]

Poor Robin has his tesment made,
Upon a stack o' hay;
But by it came the greedy glade,
Pu'd Robin quite away.

Sing, Father, link ye, hink ye, dink,
Sing, Father, linkum dearie;
Sic a bird as you, Robin,
Sat never on the brierie.

Then forth it came the weary wren,
Making a heavy moan;
Says, Every lady has her lord,
But my gude lord is gone.

Rapunzel & Sedayne еще тексты