Robert Burns - O Wert Thou In The Cauld Blast ( В полях, под снегом и дождем) | Текст песни

• Тексты песен
• Robert Burns
• O Wert Thou In The Cauld Blast ( В полях, под снегом и дождем)

O Wert Thou In The Cauld Blast

Type: Poem
O wert thou in the cauld blast,
On yonder lea, on yonder lea,
My plaidie to the angry airt,
I'd shelter thee, I'd shelter thee;
Or did Misfortune's bitter storms
Around thee blaw, around thee blaw,
Thy bield should be my bosom,
To share it a', to share it a'.

Or were I in the wildest waste,
Sae black and bare, sae black and bare,
The desert were a Paradise,
If thou wert there, if thou wert there;
Or were I Monarch o' the globe,
Wi' thee to reign, wi' thee to reign,
The brightest jewel in my Crown
Wad be my Queen, wad be my Queen