Roberto Murolo - 1937. 'Na sera 'e maggio '37 | Текст песни

• Тексты песен
• Roberto Murolo
• 1937. 'Na sera 'e maggio '37

Quanno vien'a 'appuntamento
guarde 'o mare, guard''e ffronne,
si te parlo nun rispunne,
staje distratta comm'a che.
Io te tengo dint''o core,
songo sempe 'nnammurato
ma tu, invece, pienze a n'ato
e te staje scurdanno 'e me...

Quanno se dice: "Sì’"
tienelo a mente...
Nun s'ha da fa muri'
nu core amante...
Tu mme diciste: "Si" na sera 'e maggio...
e mo tiene 'o curaggio
'e mme lassà!

St'uocchie tuoje nun so’ sincere
comm'a quanno mme 'ncuntraste,
comm'a quanno mme diciste:
"Voglio bene sulo a te..."
E tremmanno mme giuraste,
cu na mano 'ncopp''o core:
"Nun se scorda 'o primmo ammore!..."
Mo te staje scurdanno 'e me...

Quanno se dice: "Sì’"
tienelo a mente...
Nun s'ha da fa muri’
nu core amante...
Tu mme diciste: "Si" na sera 'e maggio...
e mo tiene 'o curaggio
'e mme lassà!


Roberto Murolo еще тексты