Roberto Murolo - Cicerenella | Текст песни

• Тексты песен
• Roberto Murolo
• Cicerenella

Cicerenella mia, sì bona e bella.

Cicerenella tenea no ciardino
e l'adacquava coll'acqua e lo vino,
ma l'adacquava po' senza lancella
chist'è 'o ciardino de Cicerenella.

Cicerenella tenea na gatta
ch'era cecata e purzì scontrafata,
la trascinava co mmeza codella…
chesta è la gatta de Cicerenella.

Cicerenella tenea no gallo,
tutta la notte ce jeva a ccavallo,
essa ce jeva po' senza la sella…
chisto è lo gallo de Cicerenella.

Cicerenella tenea no ciuccio
e ll'avea fatto no bello cappuccio,
ma no tteneva né ossa né pella…
chisto è lo ciuccio de Cicerenella.

Cicerenella tenea na gallina
che faceva l'uovo de sera e matina,
l'avea mparata a magnà farenella
chesta è gallina de Cicerenella.

Cicerenella tenea na pennata,
tutta la notte lle stava allumata,
e l'allummava co lla lucernella…
chesta è 'a pennata de Cicerenella.

Cicerenella tenea na votta
mettea da coppa e asceva da sotta,
e non ce steva compagno e cannella…
chesta è la votta de Cicerenella.

Cicerenella tenea na remessa
e nce metteva cavallo e galessa,
nce metteva la soja tummonella…
chesta è 'a remessa de Cicerenella.

Cicerenella tenea na tiella,
frieva ll'ova co lla mozzarella,
e lle frieva co lla sarcenella…
chesta è 'a tiella de Cicerenella.

Cicerenella mia, sì bona e bella.

Roberto Murolo еще тексты