Wa7 ku7 lts7a ti nk'yápa. Wa7 xát̕min̓as kwas ka7áts̓xma lhas sitst. Plan ku7 aylh wa7 gápalmen; wa7 em⁷ímnem ti skalúl7a. Nilh t̕u7 stsúnas: Tay, Skalúl7a, kánem ses xzum i nkwt̕ústen̓swa?' "Nilh t̕u7 stsuts ti skalúl7a ' Nilh kwenswá ka⁷áts̓xma lhas sitst", tsut ku7. "U", tsut ku7 ti nk̓yápa, "wá7lhkan t̕it xát̕min̓ kwenswá ka7áts̓xma lhas sitst, xílem snúwa. Wá7lhkacw kasts, nilh t̕u7 ses xzum i nkwt̕ústen̓swa?" "U" tsut ku7 ti skalúl7a, "lhxát̕min̓acw kwas xzum i nkwt̕ústen̓swa, nilh t̕u7 sn̓ástsu kwan ku qwal̕ílh. Wá7lhkacw t̕u7 zwáten i qwal̕ílha, kéla7 q̓ix. Meqwenskácw, nilh t̕u7 sqiqs̓mínacw. Qiqts̓mínlhkacw láti7 t̕u plan t̕u7 wa7 lil̕q kw skatséssa. Alaskácw t̕u7 qíqts̓min, nilh t̕u7 s7ámas, nilh t̕u7 sts̓emq̓ánacw, nilh tu7 sts̓eqpánacw lti nkwt̕ústen̓swa ti núkwa, ts̓íla ti nukwa, nilh t̕u7 sts̓ílas t̕u7 áti7. Kelhenlhkácw, plan kelh xzum i nkw'ústenn̓swa." "Cuy n̓as", tsut, nilh ku7 ku7 t̕u7 st̕aks ti Nk̓yápa. T̕ak, kwan ku7 i qwal̕ílha qíqts̓em ku7 aylh láti7 t̕u plan t̕u7 aylh wa7 lil̕q kw skatséssa láti7 ti sqíqts̓sa. Ts̓emq̓ánas ku7 aylh, nilh t̕u7 slhúmunas lti nkwt̕ústensa, ts̓eq̓pánas. Wa7 ku7 aylh láti7 steqsás t̕u kagut̕á t̕u7. My, stexw tu7 qvl ti sxílemsa. kanmás k̓a; cw⁷ay t̕u7 kw sxwátnan ts̓ílhas nka7 kw sguy̓ts. Cwak, lan k̓ac ti sqíqts̓sa. Nilh t̕u⁷ swa⁷s láti⁷ kelhnás, tsáma kelhnás, cw⁷ay t̕u⁷ kwas kaxílha, plan t̕u7 wa7 k̓ac. Qan̓imensás ku7 aylh ti skal.ul7a, lánsa aylh múta7 wa7 gápalmen. "kalúla7", tsúnas, "kánem su xílhtum̓c ests7á? Áts̓xen, ts̓eqp aylh i qwal̕ha lti nkwt̕ústn̓a." "U" tsut ku7 ti skalúl7a, "tsuwa7sú t̕u7 kaguy̓tá t̕u7." "Á7han, tsuwa7sú t̕u7 száyten!", tsúnem, "lchw7aozas ka kw sgúy̓tsu, lan nkwt̕ústen̓swa, wa7 t̕u7 qwiqws." Tsukw ti7 t̕u7.
Rosy Joseph еще тексты
Оценка текста
Статистика страницы на pesni.guru ▼
Просмотров сегодня: 1
Гуру Песен