Ruben Haxverdyan - Naxagahakan @ntrutyuner | Текст песни

• Тексты песен
• Ruben Haxverdyan
• Naxagahakan @ntrutyuner

Երկնքում ճախրող ոստիկաններ,
A D
Ոստիկանատիպ մուրացկաններ,
Hm F#
Մուրացկանակերպ անգույն դեմքեր
F# G A
Ու կերած-խմած ուրվականներ:

Բացուխուփ անող շատ բերաններ,
Ասես ափ նետած անթիվ ձկներ,
Հերթերում պատերազմող ձեռքեր,
Ո՞վ է այս ամենը հնարել:

Hm A Hm A
Սա ի՞նչ հանելուկ է, սա շուտասելուկ է,
D F# Hm F# Hm
Չի լսվում ո՛չ ձայն, ո՛չ պատասխան:
Hm A Hm A
Սա ի՞նչ հանելուկ է, սա շուտասելուկ է,
D F# Hm (Hm-A)
Ո՞վ է Տեր Աստվածն, ով՝ սատանան:

Որովայնամիտ ու բութ դեմքեր
Եվ անթիվ դատարկ որովայններ,
Բարքերի անկում, անկման բարքեր
Ու անկման եզրին կանգնած կարգեր:

Կուսականորեն շիկնած լրբեր,
Կուշտուկուռ կերած-խմած սրբեր,
Դզած ու փչած ու կեղծ կույսեր,
Կույսերից հիասթափված հույսեր:

Սա մի կուսանո՞ց է, թե սա բոզանոց է,
Ասե՛ք, ձայնազո՛ւրկ իմաստուններ:
Ո՞ւր է անգլուխը՝ քաղաքագլո՞ւխը,
Որն ունի ոռի վրա ծալքեր:

Անգթությունից կոտրած սրտեր
Ու գթաբաժան առաքյալներ,
Խորհրդարանում խորհող այրեր
Ու նմանատիպ դեպքի վայրեր:

Մտավորական քրեականներ,
Կիսագողական ոստիկաններ,
Ղումարի նստած դասախոսներ
Ու նստած-ելած շատախոսներ:

Իսկ կարգին տղերքը, ում ձեռքին է զենքը,
Մահվան հետ գիշեր են լուսացնում:
Իսկ ազգի տականքը՝ մեր ազգի քերանքը,
Թալանում է ազգը ու պղծում:

Նախագահական ընտրություններ,
Եվ անընտրելի նախագահներ,
Հալումաշ եղած անթիվ ստեր,
Ո՞վ է այս ամենը բեմադրել:

Գեներալատիպ մեծ գրողներ,
Գրողի տարած գեներալներ,
Գեներալամիտ նախարարներ
Ու նմանատիպ տարբեր բաներ:

Ո՞վ է նստած վերը, դրա տիրու մերը,
Չի լսվում ո՛չ ձայն, ո՛չ պատասխան:
Ո՞րն է իրականը, տերն ու տիրականը
Էս անտերուդուրս անտերության: