Saas Ustar (при уч. Лэкиэс) - Аартыкка (OST Герои II. Турнир Скорпиона) | Текст песни

• Тексты песен
• Saas Ustar (при уч. Лэкиэс)
• Аартыкка (OST Герои II. Турнир Скорпиона)

Тиис-тиискэ. Тиһэҕэр диэри түгэни туһанар
тыыннаах сахалар бааллар.

Сүрэҕим көҥүл ирдиир - өссө да тыыннаах.
Сүтэ илик эрэлим умуллубат кыымнаах.
Саха дэнэр дьолум - дьылҕам тэтимэ,
Киһи дэнэр кэрэм - көҥүлүм миэнэ.

Эҥин араас эҥэрдэртэн эйэҕэс сахалыы
эҕэрдэ.
Тэҥҥэ суолбутун кэрдэн төннөргө өссө да
эрдэ.
Элбэхпит ээ эдэрдэр, сүүрүгү утары эрдэн
Тиийиэхпит сырдык сиргэ, саныырга да тугун
бэрдэй.

Көнө суолга киһи санаата туолбат
сырдыгынан,
Ол иһин күүстээх - өрүү мэһэйдэрдээх
аартыгынан.
Сырдык сахалар көҥүлү таптыыллар, эн эмиэ
оннук буол.
Иккиттэн биирэ эн илиигэр - барыта эбэтэр
туох да суох.

Уустук олох эбэтэр үөрүү, түүнү кытары
эбэтэр күннүүн,
Киигин дуу эн киһигин дуу? - сороҕун ыл
эбэтэр бүтүннүү.
Түмсүбүтү ханнык да бэйэлээх күүс кыайбат.
Өрүү
Өрөгөй үрдүүр өскөтүн омук түмсэр бүтүннүү.

Кырдьыгынан уустуктаах, киһи таах ылла да
гыммат.
Ол эрэн толкуйдаан көрдөххө куһаҕана бэрт
ини батталга?
Оннук омуннаах санааттан омолуйдум:
"Омуккун ытыктаа!
Таптала суох хаһан да хараҥаҕа сырдык
тыкпат!"

Тыала суохха мас хамсаабат, ол эрэн куттал
өссө да баар
Хас биирдии тыыннаахха, төгүрүк сир үрдүгэр
барыларыгар.
Күүс - сүрэх тэбиитигэр. Түүн кэллэ
биллибэккэ.
Тыын тиийбэт түгэнигэр кыым эрэли эргитиэ.

Сүрэҕим көҥүл ирдиир - өссө да тыыннаах.
Сүтэ илик эрэлим умуллубат кыымнаах.
Саха дэнэр дьолум - дьылҕам тэтимэ,
Киһи дэнэр кэрэм - көҥүлүм миэнэ.

Уоттааххын хараххар аахтым.
Атаахтыы кэлбит таах умуллааххтыыр.
Өспүт кута күөдьүйэр эмискэ.
Тиис-тиискэ. Бу киирсии күүстээх.