Sabriye Erecepova - Qaynana ve kelin | Текст песни

• Тексты песен
• Sabriye Erecepova
• Qaynana ve kelin

vk.com/ctmusic

Rafa bir filcan qoydım,
İçine mercan qoydım.
Qaynananıñ adını
Quyruqlı sıçan qoydım.

Ne oldı ya, ne oldı ya, qaynana,
Küregiñe tuz qoy, qaynana.
Oğlum meni pek seve,
Yüregiñe buz qoy qaynana.

Qaynananıñ nesi var,
Zurna kibi sesi var.
Qırmızı biber kibi
Tilden ğayrı, nesi var?

Ne oldı ya, ne oldı ya, qaynana,
Küregiñe tuz qoy, qaynana.
Oğlum meni pek seve,
Yüregiñe buz qoy qaynana.

Qaynananı napmalı
Söz vermey toqtatmalı.
Çoq bağırıp başlasa,
Sıpırıp turıp qaçmalı.

Ne oldı ya, ne oldı ya, qaynana,
Küregiñe tuz qoy, qaynana.
Oğlum meni pek seve,
Yüregiñe buz qoy qaynana.

Çullı baş, suflü kelin,
Ev-barqıñ küflü kelin.
Oğlum seni taşlaycaq,
Ulpaq saç suflü kelin.

Ne oldı ya, ne oldı ya, yaş kelin,
Küregiñe tuz qoy, taş kelin.
Ne oldı ya, ne oldı ya, yaş kelin,
Yüregiñe buz qoy yaş kelin.

Kelin sevmediñ meni,
Közyaşıñ tutsın seni.
Közyaşıñ derya olsun
Balığı yutsın seni.

Ne oldı ya, ne oldı ya, yaş kelin,
Küregiñe tuz qoy, taş kelin.
Ne oldı ya, ne oldı ya, yaş kelin,
Yüregiñe buz qoy yaş kelin.

Körgen, seni körmesin,
Sözüne qapılmasın.
Ömrüñ boyu tul yaşa,
Lâyığıñ tapılmasın.

Ne oldı ya, ne oldı ya, yaş kelin,
Küregiñe tuz qoy, taş kelin.
Ne oldı ya, ne oldı ya, yaş kelin,
Yüregiñe buz qoy yaş kelin.

Böyle kelin-qaynana
Bizim künde olmasın.
Ana-bala yaşañız,
Kül çıraylar solmasın.

Mabet olsun, mabet olsun kelinler,
Qaynanalar kelinleri severler.vk.com/ctmusic

Sabriye Erecepova еще тексты