Schola of the Hofburgkapelle, Vienna & Hubert Dopf S.J. - Veni, Redemptor gentium (Hymnus ad Tempus Adventus; auctor - S. Ambrosius Mediolanensis) | Текст песни

• Тексты песен
• Schola of the Hofburgkapelle, Vienna & Hubert Dopf S.J.
• Veni, Redemptor gentium (Hymnus ad Tempus Adventus; auctor - S. Ambrosius Mediolanensis)

VENI, redemptor gentium,
ostende partum Virginis;
miretur omne saeculum:
talis decet partus Deum.

Non ex virili semine,
sed mystico spiramine
Verbum Dei factum est caro
fructusque ventris floruit.

Alvus tumescit Virginis,
claustrum pudoris permanet,
vexilla virtutum micant,
versatur in templo Deus.

Procedat e thalamo suo,
pudoris aula regia,
geminae gigas substantiae
alacris ut currat viam.

Aequalis aeterno Patri,
carnis tropaeo cingere,
infirma nostri corporis
virtute firmans perpeti.

Praesepe iam fulget tuum
lumenque nox spirat novum,
quod nulla nox interpolet
fideque iugi luceat.

Sit, Christe, rex piissime,
tibi Patrique gloria
cum Spiritu Paraclito,
in sempiterna saecula. Amen.

Schola of the Hofburgkapelle, Vienna & Hubert Dopf S.J. еще тексты