Seyran 7'62 - Böyle olurmı aslı? | Текст песни

• Тексты песен
• Seyran 7'62
• Böyle olurmı aslı?

vk.com/ctmusic

Ana tili olmasa, halq da olmaz.
Unutma. Birlikte quvet!

Tuvğan til bar, tuvğan tilde laf et!
Ögren! Ana tilinde laf et!
Tuvğan tilni bilmemek ayıp, ebet.
Ögren! Laf et!

Tuvğan til bar, tuvğan tilde laf et!
Ögren! Ana tilinde laf et!
Tuvğan tilni unutmaq ayıp, ebet.
Ögren! Laf et!

Böyle olurmı aslı? Böyle şey olurmı? Ayt!
Halqımızdan ayırılsañ soñ ketişat
Ne kösterir? Ziyan?! Sen bugün uyan.
Belki, añlarsıñ Vatandaşım olsañ!

Tuvğan tilni bilmeysiñ? Masqaralıq!
Ögrenmege aveslik yoqmı? Pek yazıq!
Demek, işiñ çataq. Ya soñ ne olacaq?
Kelecek nesilge örnek olurmı? Baq

Tuvğan til coyulsa sen de coyulırsıñ.
Onı canlardırmaq kerek, eşit, dostum.
Bugün bu vazifeni sen çezip olursıñ.
Unutsañ – yaşayışnı bozdıñ.

Aqılnı topla. Tez, tez, tez uyan.
Yarın keç olur çünki şimdi imkân
Bar. Öz vaqtıñnı nafile keçirme
Qırımğa qaytıp sen yeñilme!

Tuvğan til bar, tuvğan tilde laf et!
Ögren! Ana tilinde laf et!
Tuvğan tilni bilmemek ayıp, ebet.
Ögren! Laf et!

Tuvğan til bar, tuvğan tilde laf et!
Ögren! Ana tilinde laf et!
Tuvğan tilni unutmaq ayıp, ebet.
Ögren! Laf et!

Ana tili – baylığımız, ve tek biz
Onı qorçalap olurıq, şübesiz.
Atalardan farqlı degerler qaldı,
Olarnı tañımaq maqsadımız oldı.

Biri til, tuvğan til, ana tilimiz ile
Ne ise laqırdımız meydanğa kele.
Bugün biz buña diqqat ayırayıq.
Bunı yapmaq mecburmız er vaqıt.

Er kes, qorantalar, umumen cemiyet
Şimdi onıñ emiyetini añlamaq kerek.
Añlamasañ – utan, nasıl olıp insan
Tuvğan sözni bilmey? Pek yaman!

Anasına tuvğan tilde \"ana\" demegen,
Babasına tuvğan tilde \"baba\" demegen adam
Halqnı yoq ete! Qırımlığına qayt!
Böyle olurmı aslı? Böyle şey olurmı? Ayt….

Tuvğan til bar, tuvğan tilde laf et!
Ögren! Ana tilinde laf et!
Tuvğan tilni bilmemek ayıp, ebet.
Ögren! Laf et!

Tuvğan til bar, tuvğan tilde laf et!
Ögren! Ana tilinde laf et!
Tuvğan tilni bilmemek ayıp, ebet.
Ögren! Laf et!

Kim olğanıñnı unutma…
Ana tilinde laf etvk.com/ctmusic

Seyran 7'62 еще тексты