Seyran Halilov - Ramazan ayı | Текст песни

• Тексты песен
• Seyran Halilov
• Ramazan ayı

On bir aynıñ sultanı – Ramazan ayı.
Bizim içün hayırlı - Muqaddes ayı.
Mubarek ayı. Ramazan ayı…

On bir aynıñ sultanı – Ramazan ayı.
Bizim içün hayırlı - Muqaddes ayı.
Er daqqası faydalı – Mubarek ayı.
Ramazan ayı on bir aynıñ sultanı.
On bir aynıñ sultanı – Ramazan ayı.
Bizim içün hayırlı - Muqaddes ayı.
Er daqqası faydalı – Mubarek ayı.
Ramazan ayı on bir aynıñ sultanı.

Yıl-yıldan keçip, daa bir yıl yaşap.
Ömürniñ qıymetini daa ziyade yañlap
Kene de Mubarek Ramazan ayına kelmek
Bizlerge qısmet oldı. Buña diqqat kerek.
Niyet, areket. Günahlardan uzaqlaş.
Bir ay – bu imkân. Elâl işke yaqınlaş,
Arqadaş. Muqaddes ayınıñ vaqıtı
İnsaniyetke fayda. Qapıları açıldı.
Oraza tutmaq lâyıq, borcumıznı yapayıq.
Tutmamaq içün ise sebepler qıdırmayıq.
Añlayıq. Sen tut sağlığın olsa.
Soñunda cevap olur, şübelenme, maqsad
Bar. Bu masal degil. Bu iman (iman).
Ramazan bereketi olur bugün tırışsaнъ.
Müim derman kibi maneviy alımızda.
Günahlarnı yoq etmek, yoq etmek içün daqqa,
Saat, kün, afta, bir ay berile (sabır et!)
Samimiy duyğularnen netice kele,
Bugün ve tek mında, sozğalama tek.
Yapılacaq dualar daa çoq olmaq kerek.
Mubarek ayı on bir aynıñ sultanı.
Qadır gecesi biñ aydan da hayırlı.
Ramazan ayınıñ başı – bu rahmet.
Ortası müminler içün mağfiret.
Ve soñu cehennemden qurtulıştır.
Hidayet yolda savap etmek bu bir iş
Bir büyük iş, kerçek. Soñu hayır.
Men ise devam etem, nevbetteki satır:
Sır degil, ayınıñ soñuna qadar
Fitir sadaqa bermek unutmayıq, dostlar.
Oraza ibadeti din şartlarından biri.
Tek aşqazanğa degil de, bundan da ğayrı
Bütün azalarğa köz-qulaq olmaq kerek,
Yasaqlarğa dalmayıp, baqmayıp devam etmek.
Büyük imkân yollandı.
Yıldızlar arasında kökte yañı ay köründi.

On bir aynıñ sultanı – Ramazan ayı.
Bizim içün hayırlı - Muqaddes ayı.
Er daqqası faydalı – Mubarek ayı.
Ramazan ayı on bir aynıñ sultanı.

Mubarek Ramazan ayı hayırlı olsun!
Qırımdan Seyran7’62

Seyran Halilov еще тексты