Seyran7'62 - Noqtai nazarım | Текст песни

• Тексты песен
• Seyran7'62
• Noqtai nazarım

Seyran7'62 - Noqtai nazarım.

\"Ortalıq öyle men bügün napacam?\",-
degen insanlar var. Napacan? Tırışacan!
Qollarını tüşürgen, işançını kömgen,
ümütten vazgeçken kişi demek ölgen...
Bazıları bizim cemiyetten
endi ayırıldı, satıldımı? Ne hıyar eken?
Ne oldu birden? Canlarımı kuflengen?
Bularnı añlamayim. Añladıñmı sen?
Menim adamlar er zaman yanımda
Beyazğa qara degen soyülar yoq mında!
Etrafta vaziyet pek yahşı degil,
amma yüzün temiz olsun, er şey biter, bil!
Ortalıq qarıştı: ömür ve siyaset,
şahıs ve cemiyet, mahkeme ve cinayet,
sabırnen qasevet, yüqu ve aleket.
Tek, tek, tek, tek andanma, saqt ol, demek!
Soñki yıllar çoq şeyge gözlerimi açtırdı,
imsanlarnı sadıqlıq filtrden geçirdim.
Bazılarnen asılında bağ toqtaldı.
Hain soyüları men içün yoq oldu!
Noqta nazarım gün günden qaviylese.
Noqta nazarım bügün de rap içinde.
Rap içinde noqta nazarım.
Aşqıma, hatalar yapma, toqta, canım!
Cam kibi taqdir qırılır, ey insan,
Eger kendi vicdanına tükürup satılsan.
Mında masal yoq, bu bügünki zaman,
er şeyni yer-yerine qoyar birazdan.
Ömür yolu avtoban? Yoq! Klik-klik bau!
Böyle burulır - şaşıp qalırsıñ apansızdan!
Amma kendini nasıl alıp varacan?
Temiz yürek ile ya da bılaşacan?!
Aytalar da: \"Adın çıqqance - canın çıqsıñ\".
Bu atalar sözü muim, er kes bilsiñ.
Bazıları pis yüzünü gösterdi.
\"Salıqnen qalıñız!\", - olarğa çoqsı dedi.
Düşünmeyler, er şey görüne sanki online.
Er bir işniñ soñu var, var deadline.
Soñ mezarğa seni halqıñ alıp ketecek,
para vergen saibin degil, bu kerçek.
İstesen ağla, istesen kül,
amma er zaman hainliginin soñu muşkül.
Ateş bitse ne qalır? Qalır tek kul!
Oñu da köterip atarlar çölge bir gün.
Bazılarnıñ başında tek money, money.
Scruge McDuck kibi, amma raat yüqlaymı?
İmansız adamğa işanç yoq, dedim.
Yalan çoq! Episi toq endi!
Kimge inanmaq mumkün bunu añladım.
Bu da qattı noqta! Noqta nazarım!
Fikirdeşlernen men qonuşam.
Hain kişilernen ise qonuşmam!
Bu qanun, belki biraz qattıca.
Bu yaşayış, rap-satırlar - qattı icat.
Yani qara icat, kerçekten taş kibi.
90-ci senelerden ep qaviyleşti.
Eski mektep, oldschool, em de Qırımdan.
Rap-areket, noqta nazarım mında.
Hatırlatam, qardaşlarım yanımda.
Qısmet olsa görüşüruk, yarın Cuma!

Qardaşlar yanımda, fikirlerimiz de bir.
Satqınlar er alda bizlerge yoldaş degil!
Qardaşlar yanımda, fikirlerimiz de bir.
Satqınlar er alda bizlerge yoldaş degil!


Seyran7'62 еще тексты